U Symbud Myntri Rangbah ka Jylla u Bah Prestone Tynsong uba khmih ia ka District Council Affairs hynne ka sngi ula ong, ka Sorkar Jylla ka dang kaiphod na ka Delimitation Committee ka Garo Hills Autonomous District Council (GHADC) ha shwa ban pynbna ia ka tarik pynlong ilekshon MDC ha GHADC.
Haba iakren bad ki nongthoh khubor, u Bah Prestone ula ong, ka GHADC ka la thung ia ka Delimitation Committee bad mynta ka dang trei ia ka kam ban peit ia kiei kiei baroh bad ban khein bha kumno bad ban aiti ia ka kaiphod sha ka District Council.
U la ong, hadien ba la dep ban ai kaiphod ka GHADC kan hap ban lum ia ka dorbar ban ai jingmynjur bad ban phah sha u Lat ka Jylla u CH Viajayashankar ban ioh ia ka jingmynjur.
U Bah Prestone ula ong, “Kumba long mynta hi, ka Sorkar Jylla ne u Lat ka Jylla ki dang ap ba ka GHADC kan ai ia ka jingmynjur ia katei ka kaiphod bad ba kin phah sha u Lat ka jylla ban ioh ia ka jingmynjur khnang ba yn lah pat ban pyniaid noh shakhmat ha ka ban pynbna ban pynlong ia ka elekshon MDC.
Ha kaba iadei bad ka jingbuh ia ka por ban pyndep ia ka Delimitation, U Symbud Myntri Rangbah ula ong, ba ka GHADC kala dep ban pynmih ia ka jingpynbna paitbah bad la bthah ia ka Delimitation Committee ba kadei ban pyndep ia kane ka kam hapoh jong ka 3 bnai.
You may also like
-
Dawa ki nongdie madan na Jail Road ban shah die naduh 5 baje janmiet
-
Mad jingeh kiba leit shah sumar ha CHC Umsning ba duna Doctor
-
Lah ban ktah ka jingdon um bad ka rep ba duna ka jinghap slap ha Meghalaya
-
Pynlong ka Synjuk ki Rangbah Kur ka Bri u Hynniewtrep da ka Movement ban khanglad tuh jait ki bar jylla bad ai jaid kpa
-
Ka jingkynnoh ia ka Meghalaya ka daw ka jingshlei um ha Assam kam don nongrim: Prestone