Ka Farmer Front Meghalaya State Unit jong ka National People Party ka la hiar sha Ri lum Garo ban pynkhlain ia ka jintgtreikam da kaba ia ki Appointment Letter sha ki Farmers Front District Committee member bad ruh sha Block Committee member ha Garo Hills.
Ka Farmer Front hapoh ka jingialam u Bah Himalaya M Shangpliang kum u Chairman bad u Bah Agent Kukalang kum u Secretary bad kiwei de ki dkhot ki la hiar naduh ka 16 tarik mynta u bnai sha ri lum Garo ban pyniar bad pynkhlain ia ka shnat trei kam ki nongrep. Ka Farmer’s Front ha ka 16 tarik u bnai Jylliew ka la sdang ia ka jingialang na Resubelpara bad la ai ruh ia ka Appointment Letter sha ki dkhot ka District Committee bad sha ki dkhot ka Block Committee jong ka North Garo Hills District.
Ha kajuh ka sngi, ka leit sha Williamnagar, East Garo Hills District ban sam ia ki appointment letter ha ka jingsakhi lang u MLA ka thain uba dei ruh u myntri sorkar u Marcuise Marak bad ki la leit sha South Garo Hills District ban sam ia ki appointment letter bad la pynlong ruh ka jingialang ha Baghmara. Katba ha ka 19 tarik ka la ioh ban pynlong ia ka jingialang ha West Garo bad ha South West Garo Hills District ha ka jingiadonlang u Thomas Sangma uba dei u Lamphang ka iing dorbar thaw ain ka jylla.
You may also like
-
Kam don jingmut ban ujor ia ki MLA katba ka UDP ka dang iatreilang ha ka MDA: Pala
-
Siat ki runar da ka jri ia ki Longkmie ba iaid pahara, pynrem ka Dorbar Shnong Mawkyrwat
-
Kyntait ka NPP ba leit Delhi 24 ngut ki MLA ban kynduh ia ki heh BJP.. lead
-
Ka jingleit iasoh BJP 8 ngut ki MLA UDP kam don jingma ia ka sorkar: Conrad
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla