Ioh kam 41 ngut kiba duna na ka ‘Exclusive Job Fair’

Ka National Career Service Centre for Differently Abled (NCSC-DA), kaba hap hapoh ka tnad treikam jong ka sorkar India, ka la pynlong ia ka Exclusive Job Fair for Persons with Disabilities (PwDs) na ka bynta ki briew kiba don jingduna dkhot met ha kane ka sngi thohdieng. Ia kane la pynlong ha ka jingiatreilang bad ka American India Foundation, da ka jingthmu ban kyntiew ia ka jingpynkup bor ha ka ioh ka kot bad ban pyniasoh ia ki PwD sha ka bor treikam ba kongsan.

Ki don haduh 79 ngut ki PwD kiba don jingduna ha ka jingdkhot met (LD), ka jingduna bor ioh sngew bad bym lait kren (SHI), bad kiba bor iohi (VI) ki la iashim bynta ha kane ka prokarm. Ki hynriew ngut ki nongpyntreikam ba pawnam, ka Domino’s Pizza, ka kynhun Compass, ka jingtreikam na jngai, ka jingpyntreikam shabar, bad ka Anamata ba shabar ki la tyrwa ïa ki kam kum u nongpynpoi marbam, u nongpynrung kam, u nongkyrshan ïa ki nongthied, bad ki kam ba bun jait.

Na ki 79 ngut ki kyrtong, 41 ngut ki la shah jied na ka bynta ki lad kamai. Ha kane ka sngi u bah J.P. Lakiang, Director ka Directorate of Employment ka Sorkar Meghalaya kum u Kongsan ha ka jingdonlang u Jaydip Mukherjee, Project Lead, MSRLMS, Sorkar Meghalaya, u Sujit Kumar Sahoo, ADE & SREO, NCSC-DA, bad ka Revati Vishwanathan, Project Lead Manager, American India Foundation bad ki kiwei pat ki riew pawkhmat na ki ophis bapher bapher.