U Symbud Myntri Rangbah uba dei ruh u Chairman ka Regional Committee ka West Jaintia Hills u Bah Sniawbhalang Dhar ula pyntip ba ka jingiakren pynbeit pud bad ka Assam kan sa sdang biang hadien ba la dep thaw Sorkar thymmai.
Haba kren sha ki lad pathai khubor u Bah Sniawbhalang ula ong, “Ka jingiakren bad ka Assam ka dei ka kam kaba iai bteng. To ngin ap ynda la thaw ia ka Sorkar thymmai ha Assam, ngin sa pynbteng biang ia ka jingiakren. Kane ka long kaba shai”.
U Bah Sniawbhalang ula iathuh ba ka sien shong jingialang ban iakren biang ia ka kam ka shong ha ka Assam ba kan thung ia ki Regional Committee.
“Kumba long mynta, ngim tip mano ban long Chairman na ka liang jong ki naba yn dang ban thaw ia ka Sorkar thymmai. Tad hadien bala thaw ia ka Sorkar thymmai, kin sat hung ia ka Regional Committee. Kin sa shim ia ka rai hashuwa ba ngin iakynduh biang” ula ong.
Haba kylli la ia kine ki jingeh lah ban pynbeit hashuwa ka ilekshon Meghalaya Assembly ha u snem 2028, u Bah Sniawbhalang ula ong ba kam don satia kano kano ka jingbuh da ka por.
“Em, ngi la pyrshang beit ban pynbeit ia kane ka kam….Namar ka dei ka kam ba don bynta da ki Jylla, ngi la pyrshang ban pynbeit ia ki jingeh kham kloi kat kaba lah hynrei kam dei ka kam kaba suk” ula ong.
“Ngam lah ban ong la ngin lah ne em ban pynbeit hapoh ka arsnem lane ha ka arbnai hynrei ngi la pyrshang beit ban leh kat kaba lah ha kaban pynbeit kham kloi ia kane ka kam” ula bynrap.
You may also like
-
Lum ka sorkar ia ka jingialang ‘High-Level’ halor ka SDG
-
Ka jingkhang tih dewiong ka ktah ia ka kamai ka jih ki paidbah
-
Iateh ka sorkar bad ka KfW Development Bank ban kyntiew kam rep khlem dawai
-
Ka sorkar kam kwah pynjari ‘Administrator’ ha GHADC ban ai lad pynkylla ia ka AD Rules
-
Da Personal Bond ba T.50 hajar Ioh jamin ka Sonam, bym biang ki sakhi