U Myntri Rangbah ka Jylla u Conrad K. Sangma mynta ka sngi ula leit ban shim bynta ha ka jingrakhe Jubili Rupa ne ka jingdap 25 snem ka Montfort Teacher Training College Special Education ha Montfort Centre for Education, Danakgre, Tura. Kaba la ai ka jingshakri ha ki 25 snem ban kyntiew ia ka pule puthi ym tang ha jylla kynthup ia ka thain shatei lammihngi.
Haba ai jingkren u Myntri Rangbah ula pynkynmaw ïa ka jingdon kam ha ka histori jong kane ka jaka pule bad ula ong, “Nga la buh ïa ka thong ban wan shane mynta ka sngi, khamtam namar ba dei 25 snem mynshwa ba u P.A. Sangma uba la khlad noh ula plie ïa ka jingtei ka Montfort Teacher Training College for Special Education.”
Ula ong ha ka por ba seng ym pat don wat tang kawei ka jaka ai jinghikai na kane ka thain bad ka ka Montfort ka dei kaba nyngkong ka jaka ai jinghikai ha kane ka thain.
Ha ka prokram la donlang u Bishop Andrew R. Marak, u Rev. Bro. Dr. Maria Soosai kum u synbud kongsan bad u Rev. Bro. Dr. V. K. George, u nongshah khot kyrpang ki khynnah skul ki kmie ki kpa bad ki nongialam shnong.
Ha kane ka sngi la pynphu pynphieng ia ka ia ka prokram ki jingpyninam ia ki kolshor tynrai kynthup ka shad Wangala, ki jingrwai bad ki kiwei kiwei.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah