U nonghikai ka skulbah NEHU uba dei ruh u kyrtong MP ka VPP u bah Batskhem Myrboh, ula ong ba ha u 2028 ka Voice of the People Party (VPP), kan pynkut ia ka CM IMPACT Guidebook ba dei ka kot iarap na bynta ki khynnah kiba iakhun ia ka eksam Matrik.
Ha ka jingiakren bad u bah Batskhem, ula ong ba ka kot CM IMPACT ka long kaba shyrkhei bad ka buh jingma ia ki khynnah ka jylla.
U la kynthoh ba ka CM IMPACT ka long ka sienjam ba ka sorkar ka kwah ban pynmih ia ki nongshong shnong kiba ioh tang ka Certificate ba ki pas ia ka eksam hynrei ki bym lah pat ban pyrkhat.
“Ka sorkar kumba long mynta kam kwah ban pynmih ia ki nongshong shnong kiba stad kiba kylli jingkylli kiba pynshong nongrim hynrei ki kwah beit ia ki paidbah kiba ju ap beit tang ia ka jingiarap jong ka sorkar,” ong u bah Batskhem.
U la ong ba ka jylla ka donkam ia ki paidbah kiba don ka bor ha ka, kiba lah ban pyrkhat bad bishar bniah tylli. Hynrei ka CM IMPACT ka hikai ia ki briew ban ym don kum kata ka jinglah, kane ka long kaba ma bad kaba shyrkhei.
U bah Batskhem ula ong ba na ka liang ka VPP haba ki wan haka bor ha u 2028, kin pynkut shi syndon ia ka CM IMPACT.
You may also like
-
Buh Mawnongrim u Myntri Rangbah ia ka Mini Secretariat ba T.17.76 klur ha Patharkhmah
-
Rai ka sorkar ban shna Parkinglot bad kiwei ki jingdonkam ban pynlong ia ka Umtyngar kawei na ki jaka jngohkai
-
Ka BJP ka thrang ban thaw sorkar ha Meghalaya, tip ma ki ia ka daw
-
Wat hadien ka jingpyniakhlad ia ka Synshar bad Bishar
-
Phah jubab da ka WhatsApp u Vijay Kumar Mantri