Ka Meghalaya Board of School Educaton (MBoSE) hynne ka sngi kala pynbna ia ka result jong ka eksamin Secondary School Leaving Certificate (SSLC), 2026, ha kaba ka jingpass jong ki khynnah ka kot 86.84%, kaba duna khyndiat ia ka result u snem bala lah kaba kot 87.10%.
Haka eksamin SSLC 2026, ki don haduh 48,623 ngut ki khynnah ki ialeh ia ka eksam hynrei napdeng kine, 42,228 ngut kila pass, kynthup kito kiba pass ia baroh hynriew sobjek bad kumjuh ruh kiba pass ia san sobjek.
Ka result ka pyni ba ki khynnah ba ialeh regular ki kham pass bha ha kaba ki regular-1 kila kot 93.30%, katba ki regular-2 ki kot 80.72%. Kiba ialeh non-regular bad private ki kham duna ha ka jingpass.
Haba khein ia ka jingpass bha ki shynrang bad kynthei, ka jingpass ki shynrang ba ialeh regular ka kot 94.14% katba ki kynthei ka kot 92.88%.
Haba nujor ia ka result hapdeng ki district, ka West Jaintia Hills ka dei kaba don bun eh kiba pass kaba kot haduh 94.99%, bud sa ka South West Khasi Hills-94.60%, East Khasi Hills-94.17%, Eastern West Khasi Hills-93.31%, West Khasi Hills-92.95%, East Jaintia Hills-92.85%, South Garo Hills-88.48%, Ri-Bhoi-88.04%, West Garo Hills-77.75%, ka East Garo Hills-72.33%, South West Garo Hills-74.54%, bad North Garo Hills-72.70%.
Haba ianujor ia ki snem bala leit, ka pyni ia ka jingkham bha ka result naduh u snem 2025, ha kaba ka jingpass ki khynnah kala kiew sha ka 87.10% na ki snem bala leit.
You may also like
-
Palat 1600 ki shnong kim don Anganwadi Centre, lap ka Estimates Committee
-
Ym pat ioh jingtip ka NPP Nongpoh ia ka jingthmu pyniasoh u bah Mayral Born
-
Leit jurip u Lamphang ia ka jingtei iingdorbar thawain ha Mawdiangdiang
-
Ryngkat ki nongialam ka CBCI iakynduh u MR ia u Myntri sorkar pdeng ia ka jingthmu pyntreikam ia ka FCRA Amendment Bill ban khang bei pisa na shabar ri ia ki kynhun Khristan
-
Shong kyllain myngngor ka GTF ban pyrshah ai I’u Lumpongdeng sha ka IHCL