Ki heh Ophisar ka Sorkar Meghalaya hynne ka sngi ki la hiar sha ka Jylla Karnataka ban ai jingïarap ïa ki khynnah skul kiba dang don mynta hapdeng ka jingshah sumar haki hospital. Lah ban kdew ba haduh mynta 2 ngut ki khynnah skul na Meghalaya kila khlad bad sa 23 ngut ki dang don hapdeng ka jingshah sumar hadien ba ki la kem pang na ka jingioh bih naka bam bala ai iaki hapoh ka Hostel jong ka skul ba don hapoh ka Jylla Karnataka.
U Commissioner and Secretary jong ka tnat Kam Pohing ka Sorkar Meghalaya u Bah Cyril Diengdoh bad u Deputy Commissioner jong ka Mandya District ka Jylla Karnataka u Mandya Kumar ki la leit ban ïakynduh ïa ki khynnah kiba dang don hapoh hospital ban peit ïa ka jinglong jingman ka jong ki bad ban ai jingkyrshan ruh ïa ki katba ki donkam.
Ka Sorkar Meghalaya haka 17 tarik kala phah ia 2 ngut ki heh ophisar naka tnat Pule Puthi kata u Sub-Inspector of Schools u Bah P Sunn bad u District MIS u Bah R Kharsyntiew ban hiar shapoh ka Jylla Karnataka ban pynlong ïa ka jingtohkit halor ka jingngat bih ki khynnah skul kiba pule hapoh katei ka Jylla.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa