Pyniar ka Vi ia ka international roaming hapdeng ka jingkiew ia ka jingdawa jong ka jingleit shangkai pyrthei shabar ri

Ka Vi ka la nang pyniar ia ka international roaming (IR) ka jong ka lyngba ka jingpynmih ia ki plan ba thymmai na ka bynta kito ki nongpyndonkam ia ki  postpaid customers, kaba pyni ia ka jingkiew ha ka jingdawa ia ki jingshakri kiba iahap bad ka jingleit shangkai shabar ri na India.  Kane ka kompani telecom ka la pynmih ia ki roaming packs kiba thymmai kiba kynthup ia ka 7-sngi, 14-sngi bad 21-sngi, kaba pynkiew ia ka jingniew kyllum jong ki international roaming sha ki 17 tylli ki plan kiba lah ban long naduh shi sngi haduh 30 sngi. Kane ka jingpyrshang ka wan hadien ka jingiohi ha ka jingkiew jong ki nongleit kai shabar ri ha ka liang bapher bapher kum ki kam khaii, ka pule puthi, na ka bynta ki jingleit sumar bad ki jingleit sngewbha, kaba la wanrah ia ka jingdawa ban don ki jingshakri ban pyniasoh ha ka rukom kaba suk bad ba kham duna dor.

Ki roaming plan jong ka Vi ki treikam ha palat 120 tylli ki ri bad ki tyrwa ia ki jingiohnong ha ki limited bad unlimited data, voice bad SMS. Ka kompani ka la ong ba ka iai long tang ma ka ka nongai network kaba ai ia ki jingiohnong ha ka unlimited voice bad data ha ki 41 tylli ki jaka ba ju kham ia jied bha ki nongleit jngohkai. Ia kine ki plan la pynwandur ruh ha ka rukom ba kin pynduna ia ki jingeh kiba ia dei bad ka bai siew lyngba ki jingiada bad ki jingpyntreikam dijital ne ki digital activation kiba la don lypa ha ka Vi App. U AvneeshKhosla, u Chief Marketing Officer jong ka Vodafone Idea, u la ong ba ka jingkylla ha ka rukom jngohkai pyrthei ka la wanrah ia ka jingdawa jong ki network bad ki tiar telecom kiba kham kylluid, kiba la shna na ka bynta ki por leit jingleit kiba pher bad ki rukom pyndonkam kiba pher jong ki nongthied. 

Ha Shillong, ka jingdawa jong ka international roaming ka la iohi ia ka jingkiew kaba neh, khamtam hapdeng ki khynnah pule, ki nongtrei bad ki nongjngohkai pyrthei kiba leit sha ki bynta ba shathie lamihngi jong ka dewbah Asia, Europe bad ki ri kiba ha ka Gulf ne ki Gulf nations. Ki nongpeit ia ka iew ki ngeit ba ki plan kiba kylluid ha ka por bad kiba tyrwa ia ka jingpyndonkam kaba khlem pud ka lah ban nang pynkhlain ia ka jingpdiang ka jong ka ha ki bynta ba nang kiew jong ka kam jngohkai pyrthei jong kito kiba na Meghalaya.