Ka ophis jong Commissioner & Food Safety ka jylla hynne ka sngi ka la leit ban phah khang khyrdep shipor ia kawei ka dukan kaba la tip kyrteng kum ka Kozy Bar Restaurant kaba don ha Sawfurlong.
Ia kane ka dukan la phah khang khyrdep hadien ba ka tnad ka pyllong ia ka jingjurip bad ka la lap ba kam don ka jingkhuid jingsuba haba iadei bad ka bam ka dih.
Haba kren sha ki lad pathai khubor ka Deputy Commissioner & Food Safety ka kong D.B.S. Mukhim, ka la ong ba ia kane ka dukan yn khang shwa shipor bad kin sa ia ka kaiphod sha baroh ki tnad ba dei ban khmih ban bishar ia kane ka dukan.
Ka kong Mukhim ka la iathuh ba kane ka dukan ka don ia ka lisen hynrei ia mynta kin hap ban pynsahngeh shwa shipor ia ka lisen bad kin iaid katkum ka kyndon.
Na ka liang ka kong Mukhim ka la maham tyngeh ia ki jaka bam kum, ki restaurant, ki hotel bad kiwei pat ki jaka bam paidbah lada lap ba ki leh sih ne kim lah ban ai ia ki paidbah ia ka bam kaba khuid bad kaba shngain, yn khang bad dain kuna.
“Ka tnad nangne shakhmat kan ym map shuh lada lap ia kiba pynkhein ia ki kyndon namar na ka por sha ka por lada ka lap ka dang ailad ia ki hynrei nangne shakhmat kan ym ailad shuh,” ong ka kong Mukhim.
You may also like
-
Pyndem ki nongdie madan Laitumkhrah bad leit shong dukan ha ki jaka sorkar
-
Sdang jot ka surok Nongstoin-Maweit,ap jingma ka jingkieng ha Risiang
-
Ban lait jaboh mariang, pynkhreh ka Hima Sohra ka jaka shet ïa ki nongwan shangkai
-
Kyntait u Acting Syiem ban hiar khet, pan jingthoh ba la thung biang i’u Paiem Ainam kum u Syiem
-
Kynmaw ka tnad Lariti ia ki lanot bad ba lait im na ka jingphiah ka Ri India ha u 1947