Ther u bah Brightstarwell ïa u symbud myntri ba kren beiñ ia (L) Dr. Ricky AJ Syngkon

U MLA ka Mawlai konsti-wensi u bah Brightstarwell Marbaniang ula ther tyng-eh ia u Symbud Myntri Rangbah ka jylla u bah Prestone Tynsong uba la kren bein ia u MP barim u Dr. Ricky AJ Syngkon (Ba la khlad noh).
U bah Bright haba kren ha ka jingialang ba long ha Nongspung, ula ong kumno u bah Prestone uba dei u riew Rangbah uba bat ia ka kyrdan Symbud Myntri Rangbah u kren bein ia u MP barim da kaba ong “ U MP ba la phah da ka VPP, katno u ioh kren ha Parliament hato tang 2 minit, 5minit, 10 minit bad don ki por ba u Lamphang u phah shong noh bad u kam ba um ithuh ia u”. Nalor kata ki la kam ba une u MP ba ka NPP kan sei mynta un leit sha Delhi un kren shi kynta.
Haba kynthoh halor kane, u bah Bright ula ong ba ia ki jingkren ba seisoh ym ju thew da ki kynta hynrei la thew ia ka jingkren da ki symboh kyntien kaba la kren.
“U Dr. Ricky haba u kren tang ar minit ne 5 minit, nga iohi ba wat kita ki MP ki sngap ia ka jingkren jong u bad haba i kren ma i ha Parliament u rah ia ia ka nam ka burom ka jaidbynriew,” ula ong.
Ula ther ia kane ka NPP ba ki kop ba une u MP ba kin phah, un kren da ki kynta ha kaba wat u Conrad Sangma ha ka por ba u dang long MP jong ka Tura, um pat ju lap ba un kren shi kynta.
U la bynrap ba kane kadei tang ka kam ban peit poh ia ka VPP bad kumjuh ia u MP barim.
Ha kajuh ka por, ula ong ba ha Parliament don 543 ngut ki MP, kam dei kaba suk ban kren hynrei haba ioh ka lad u MP barim u rah ia ki mat ki jura kiba ktah ia ka jaidbynriew la ka long ha ka ktien ka thylliej, ki khappud.
Kumjuh une u MP ba kin sei mynta u Dr. Batskhem Myrboh un ym kut tang ban kren ha ka Parliament hynrei haba ym don ka jingiashong Dorbar un leit ban iakynduh ia ki Myntri ka sorkar pdeng bapher ba don ha Delhi kumba u Dr Ricky ula leh.