Ka Sorkar Meghalaya kala thoh sha u Myntri Rangbahduh ka Ri India u Narendra Modi ban wan plie paidbah iaka Shillong Medical College hynrei haduh mynta, kam pat ioh iaka jubab kaba shai Ia kane la pyntip da u Myntri ka tnat ka koit ka khiah u Bah Wailadmiki Shylla haba bynrap ba mynshwa u Myntri Rangbahduh ula pynthikna ban wan hynrei namar ki daw bym lah kiar, u hap ban pep noh. Haba kren shaki lad pathai khubor u Bah Wailad ula iathuh ba ka Sorkar Meghalaya ka dang ap ban dep lut ki ilekshon ha kylleng ka Ri hashuwa ban thoh biang sha Myntri Rangbahduh ban wan plie iaka Shillong Medical College.
Ula ong ba ka Shillong Medical College ka dei ka jingangnud jong ki paidbah ka Jylla bad ka jingsdang class hapoh ka Medical College ka dei ka jingjop iaka Jylla. “Namar kata ngi kwah ba u Myntri Rangbahduh ka Ri India un wan plie paidbah hi iaka Shillong Medical College” la ong u Bah Wailad. U Myntri ula iathuh baka Sorkar ka angnud ban plie paidbah noh ha shuwa ban kut u snem 2026 hynrei ym pat lah pat ban pynthikna ia ka sngi, kat bym pat ioh ktien na u Myntri Rangbah duh ka Ri India u Narendra Modi.
“Ngi dang ap ia ka jubab bad ngi dang peit ruh ia ki ilekshon ba long ha kylleng ka ri India bad hadien kata ngin sa thoh biang sha u Myntri Rangbah duh u Narendra Modi” ula ong.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda