U Myntri Rangbah ka Jylla u Conrad K Sangma hynne ka sngi ula leit jngoh ia ka rukom treikam ka Integrated Command and Control Centre ka Telangana bad ula iaroh ia ka jingstad ki nongtrei bad pynpaw u don ka jingthmu ban pyntreikam kum kane ka ICCC hapoh ka jylla Meghalaya.
U Conrad ula leit jngoh ban iohi da lade ia ka rukom pyniaid ia ka ICCC ha katei ka jylla bad haba ia nujor bad ka ICCC ha Meghalaya la lap ba ka dang duna ha ka jinglah ban wanrah lang ia ki Tnad bapher bapher ba kin iatreilang.
“Kane ka dei kawei na ki ICCC ba biang tam hapoh ka ri, kam dei tang halor ki teknoloji ba ki pyndonkam, hynrei ka rukom treikam ba la wanrah ban iatreilang ia ki Tnad bad ban pyndonkam ia ki teknoloji ban pynbha ia ka synshar khaddar bad ban shakri ia ki paitbah” la ong u Conrad bad ula bynrap namar kata nga wan da lade ban peit ia ki kam ba trei ka ICCC Telangana bad ka Meghalaya ruh kan sa pyntreikam ia kane ka rukom treikam kumba la pyntreikam ia ka Integrated Command and Control Centre ha Telangana”.
You may also like
-
Ai jamin ka Iingbishar 20 sngi ia Vice President KSU ban leit shah sumar
-
Dawa u Bah Adlbert ban tohkit CBI ba khynra shiteng miet bad siat bom sat khmat pathar
-
Ïakynduh ka HNYF ïa u DC Ri bhoi halor ki jingeh ki khynnah skul
-
Rakhe ka Bellefonte ia ka Jubili Ksiar
-
Rah ka Sanika S. Phawa ïa ka nam Miss Jowai Teenager 2026