U Myntri ka tnat ka koit ka khiah u Bah Wailadmiki Shylla ula iathuh ka tnat ka la thaw ka kynhun ban bishar bniah ia ki jingdawa ki nongtrei 108.Kane ka wan hadien ba ki nongtrei 108 ki la kynduh ia Myntri ban pynpaw ia ki jingeh halor ka jingpynslem ka Sorkar ban ai ia ki jingdawa.Haba kren shaki lad pathai khubor u Bah Wailad ula iathuh kumba 108 ngut ki nongtrei ki la iakynduh ia u kham mynshwa bad ki la pynpaw ia ki jingeh jong ki.
“Ka sorkar mynta ka dang ap ia ka kaiphod jong ka kynhun bad ka dangiai bteng ban wad ia ki lad lynti ban weng ia ki jingeh jong ki nongtrei 108” la ong u Bah Wailad.U Bah Wailad ula iathuh ba u Managing Director ka National Health Mission u don mynta ha ka kam ilekshon ha South India bad la khmih lynti ba ïa kane ka kam yn sa pynkloi ynda u la wanphai.Ula ong ba ka Sorkar ka la buh hakhmat eh ban pynurlong ia ki jingdawa jong ki nongtrei 108 daka ba bishar ba kan nym don ka jingktah ha ka pla tyngka jong ka Sorkar.
Lah ban kdew ba ka Meghalaya Emergency Management Workers’ Union ka la pyrshah jur ïa ka jingthmu jong ka Sorkar ban aiti ïa ka jingshakri 108 sha ka Company shimet.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah