Pynbna u Bah Prestone ban kyntiew tulop ia ki nonghikai Secondary bad Higher Secondary

U Symbud Myntri Rangbah ka Jylla u Bah Prestone Tynsong ula pyntip ba ka thong ka Sokar Jylla kan wanrah ia ka rukom siew tulop thymmai na bynta ki nonghikai Secondary bad Higher Secondary Level hapoh ka Jylla.

Ïa kane u Bah Prestone ula pynbna haba kren ha ka sngi ba ki nonghikai SSA bad ki nonghikai 4th Teachers ki la pynkup burom ïa u Myntri Rangbah, u Symbud Myntri Rangbah bad kiwei ki Myntri Sorkar ha ka jingialang kaba la long ha Madan Student Shillong.

Haba kren ha kane ka sngi u Bah Prestone ula ong, ba mynta ka sngi ka Sorkar ka la pynurlong ia ka jingdawa ki nonghikai SSA bad 4th Teachers bad kaba sah mynta ka long ban pynbit pynbiang sa ia ki nonghikai Secondary bad Higher Secondary.

“Ki jingdonkam jong ki Adhoc skul kila biang. Ngi hap ban pylut palat T.800 klur shi snem naka bynta ki nonghikai Primary bad Upper Primary Level” la ong u Bah Prestone.

U Bah Prestone ula ula iathuh ba ka Sorkar ka la ïakren, kumno ban shim ia ki sienjam ban kyntiew sa ia ki nonghikai Secondary bad Higher Secondary Level. “ Nga ngeit skhem ba lada ngi lah ban leh sa ïa kine 2 tylli, nga ngeit skhem ba ka Jylla jong ngi, kan kylla dur pateng la pateng” ula ong.

U Symbud Myntri Rangbah ula kyntu ia ki nonghikai ban iatreilang bad ka Sorkar ban pynurlong ïa kane ka thong jong ka Sorkar ban pynbit pynbiang sa ia ki nonghikai Secondary bad Higher Secondary.