Khynra bad khang dukan kiad ka Seng Longkmie, HITO bad JNC

Ka Seng Longkmie jong ka Shnong Lakasein ha ryngkat ka Hynniewtrep Integrated Territorial Organisation (HITO) bad Jaintia National Council (JNC) ha ka 30 tarik Jymmang 2026 ka la leit ban khynra bad khang ïa kawei ka dukan kiad be-aiñ kaba don hapoh ka shnong. Iaka Seng longkmie la ialam daka Kong Maimi Salahe bad kala ïathuh ba na ka por sha ka por ki nongïalam ki ju sneng ju kyntu ïa ka tarai dukan ba kam dei ban die kyiad hapoh ka shnong ka thaw, hynrei ka trai jong katei ka dukan kam ju pynsngap bad ka ïaleh pyrshah pynban.

Ka Kong Maimi la ïathuh ba na ka jingdon katei ka dukan kyiad ki ju mih ka ïa huri-hura hapoh ka shnong ka thaw namar haba don ki nongdih haba ki la buaid bad kaba la pynngop ïa ki khun samla kiba dang ha ka rta kaba dang khynnah, namar kata ka la pan ka jingkyrshan bad ka jingïatreilang ïa ki seng bad ki para nongshong shnong ban weng ïa ki kam sniew hapoh shnong poh thaw. Naka liang u nongïalam ka HITO Lakaseiñ u la pynpaw ba ka la ïoh ïa ka jingujor na u Rangbah Shnong ha ki taiew ba la dep haba ïadei kane ka dukan kyiad be-aiñ. Haba ïadei kane u Rangbah Shnong jong kane ka shnong u la ai jingthoh bunsien bha sha ka tnad Excise ban kan leh eiei, hynrei na ka liang ka tnad ba dei peit kam shem la patiaw bad leh eiei haba ïadei ka jingujor jong ka shnong.

“Kum u Rangbah Shnong uba don ka jingkitkhieh na ka bynta ka imlang sahlang jong ka shnong u leh ïa kane na ka bynta ka bha ka miat ki khun samla bad ki Rangbah kin leit na ki kam sniew namar na ka por shaka por ki nong shong shnong bad ki longkmie ki la mad ïa kine ki jingeh” u la ong.