U Myntri Sorkar uba dei ruh u President ka United Democratic Party (UDP) u Bah Metbah Lyngdoh ula ong ba ka Party ka burom, lada ka Hills State People’s Democratic Party (HSPDP) ka rai ban iaid laka jong haka ilekshon MP shiteng samoi na Shillong Parliamentary Seat.
Kane ka wan hadien ba ka HSPDP kaba don lang hapoh ka kynhun Regional Democratic Alliance (RDA) kala kyntait ban kren eiei, la kan kyrshan ne em ia u kyrtong ka UDP haka ilekshon MP shiteng samoi.
Naka liang u President ka UDP u Bah Metbah ula ong ba watla haduh mynta ka HSPDP kam pat rai, ban kyrshan ne kan iakhun hi haka ilekshon MP shiteng samoi hynrei ka jingiadei paralok hapoh ka RDS kan iai bteng.
U Bah Metbah ula ong ba ka UDP ka donlang bad ka HSPDP hynrei haduh mynta kam pat phah ktien, ba kan kyrshan ne em ia u kyrtong ka UDP.
“Kim (HSPDP) kim pat phah ktien, ka kin donlang ne em bad ka UDP na bynta ka ilekshon MP shiteng samoi hynrei nga burom pat had ngam kwah ban kynthoh eiei” la ong u Bah Metbah.
“Hoid kum ki paralok ba ia don lang ha RDA, ngi kwah ba kin kyrshan ia u kyrtong jong ngi ha kane ka ilekshon shiteng samoi” ula ong.
You may also like
-
Ai jinghikai ka MIDCE ia ki samla ban sngewthuh halor ka ain
-
Pynkup burom ka Shillong Law Kolej ia ka samla pule
-
Shah kawang Petrol Bom ar jaka ha Mawbah, ingkhong ka Scooty
-
Ki Khana Shaphang ki Kynthei Nongrep ha jylla ki wan phai sha ki shnong lyngba ki dur bad ki phlim
-
Plie u Lat ia ka jingrakhe dap 100 snem ka Rilbong Sanatan Hindu Dharma Sabha