Ka Tnad Tourism ka jylla hynne ka sngi ka la pyntip ba ka sorkar kan plie ia ka ‘Chief Minister’s Football Fan-Park’ ban pyni ‘Live’ ia ka FIFA World Cup 2026 ha ka 26 tarik mynta u bnai ha SRGT Parking Lot, Polo Shillong. Ka la pyntip ki jingialehkai ban pyni ‘Live’ ki long ha ka por 9:30 mynmiet, 10:30 mynmiet bad 12:30 mynstep, khnang ba ki riew ieit phutbol bad ki paitbah kin ioh ban peit kai ia ka jingialehkai phutbol World Cup.
Ula pynpaw ba katei ka jaka ka dei da ka jingthmu ban lumlang ia ki nongieid ia ki jingialehkai ban ia peit lang ia ka jingkhun ka ban long ruh kum kata ka jingiasyriem jong ka jingshongshit bad kito kiba peitkai ha ki madan ialehkai bad kane ka sienjam ka dei shi bynta ka jingthmu kaba iar ban pynbiang ia ki jaka na ka bynta ki paitbah ha kaba ia dei bad ka kam ialehkai bad ka jingdonsap ki samla ka jylla. Nalor ba ki paitbah kin ioh ban peitkai ia ka jingiakhun jong ka FIFA World Cup kan don ruh ka tem ka put bad ka rwai ban pynshongshit da ki nongrwai hapoh jong ka Chief Minister’s Meghalaya Grassroots Music Program (CM-MGMP).
Kane ka Fan Park ka dei ruh ka jingiateh halor ka jingthmu ka jylla ban tei ia ka football stadium kaba heh tam ha ka ri hapoh Mawkhanu bad da jingpynkylla ia ka jaka pynieng kali sha ka jaka ban peitkai ia ka World Cup, la kyrmen skhem ba kane kan pynshongshit ia ki riewieid football ka Meghalaya bad ba ki paitbah kin ioh ia ka lad ban peit ia ka jingialehkai phutbol World Cup 2026.
You may also like
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem
-
Hapdeng ka jingiphuh kut ka shad Behdeiñkhlam ka Seiñraij Ialong
-
Hadien 2 bnai, ïaid biang ki kali harum Laitlyngkot, buh pulit ban shngaiñ ki paidbah