Pulom ka jingtih dewiong ‘Open-Cast’ ha Jaintia, namar ka jinglong jingman ki jaka : Kyrmen Shylla

U MLA ka Khliehriat bad nongialam ka United Democratic Party (UDP) u Bah Kyrmen Shylla ula ong ba ka Sorkar Jylla ka la shimkhia bha ban pynbeit ia ki jingeh ha ka kam tih dewiong hynrei ula ban jur ba ka jingtih ‘open-cast’ ba la buh da ka Sorkar Pdeng kam ia hab satia ban treikam ha East Jaintia Hills, namar ka jinglong jingman jong ki jaka. “Mynta ka sorkar kan leh ia la ka kamram. Ha kano ka kyrdan, Ngam don jingtip, hynrei ka Sorkar ka la leh ia la ka kamram” ong u Bah Kyrmen. “Ngim khmih lynti ba kiei kiei kin jia tang hapoh ki khyndiat sngi, hynrei ngin ai ka por ia ka Sorkar. Ai ba ka Sorkar kan leh ia kaba donkam ha ka por ba biang, kin sa pyndep bad pyntip sha ngi ia kaei kaba ki la leh. Ia mynta hi ka sorkar ka la leh ia la ka kamram” ula bynrap.

U Bah Kyrmen u la ong, ba ka rukom shong jong u dewiong ha Jylla ka dawa ia ka rukom tih kaba kham pher na kiwei pat ki Jylla. Ula bynrap ka jingtih dewiong ha jylla ka long shapoh krem bad ka lah ban ym long sha kiwei ki Jylla. Ngi don ia ki kyrdan dewiong ba rit bad ngi kloi ban pdiang ia ka jingtih dewiong katkum ki kyndon ka juk saian ba la buh da ka Sorkar Pdeng. Hynrei ka dei ban long kaba iahap bad ka thain jong ngi.

U bah Kyrmen ula ong, ki jingpyrshang ban tih ‘open-cast’ ki la pulom ha ka thain namar ka jinglong jngman ki jaka, ngi la pyrshang ban leh hynrei ngim lah satia ban pyntreikam. Hadien ba ngi iohi ba kam iahap ha ka jaka jong ngi, kane ka pynlong ban kyrshan ia ka Sorkar ba kan wanrah katto katne ki jingkylla bad lada dei ba ka iahap, balei ba ngi donkam ia kiwei pat ki rukom tih dewiong.