Iatreilang ka Flipkart bad ka sorkar Meghalaya ban pyniar ia ki lad ki kabu ban pyniaid iew ia ki mar ki mata na ka bynta ki nongrep

Ka Flipkart Group, kaba long kawei na ki rynsan iadie iathied kaba paw ia kaba la treikam lyngba ka digital, ka la rung mynta ban iatehlok bad ka Meghalaya State Agriculture Marketing Board (MSAMB), hapoh jong ka Samarth Krishi programme, lyngba ka jingisoi ia ka soskular ia sngewthuh jingmut ne ka Memorandum of Understanding (MoU). Kane ka jingiatreilang kan ai jingmyntoi ia ki nongrep jong ka Meghalaya da kaba pynioh ka jingpyniasoh bad ki iew bad ka jingthied ia ki mar kiba pynmih na kane ka jaka, kaban iarap  ba yn lah ban ioh ia ka iew na ka bynta ki mar rep kiba bha, kynthup ia u sohtrun na ka jylla. 

Ia ka jingiasoi markylliang ia ka MoU la leh ha ka jingiadonlang jong U Jyotiraditya M. Scindia, u myntri ka sorkar pdeng na ka bynta ka ka tnad Development of North Eastern Region and Communications, bad u myntri rangbah ka jylla Meghaaya U Conrad Sangma,. 

Ban wanrah ia ka jingsuk ha ka rung sha ka kam khaii lyngba ka digital ne ka ka digital commerce, ka Flipkart Group kan kyrshan ia ka MSAMB da kaba batai shaphang ka jingbha jong ki mar katkum ka jingiaid ka jingdawa, ban da pyrkhat bha ia katno la donkam ia ki mar khyndiat ne shibun bad ka pynrung ia ki. Ka  MSAMB pat kan, iarap ban ai ki jinghikai pyntbit sha ki kynhun nongrep hapoh jong ka jingtreikam ka tnad ka rep ka riang jong ka jylla 

Haba kren shaphang kane ka jingiatehlok, U Rajneesh Kumar, Chief Corporate Affairs Officer, Flipkart Group, u ong, “Ki nongrep ka India nad kito kiba pynmih ia ki mar rep ki long kiba biang tam ban ioh ia ki lad ki lynti ba ka bynta ban leh ia ka digital commerce na ka bynta ban wanrah ia ka jingmyntoi ha ka ioh ka kot kaba iaineh. Katba kane ka digital commerce ka la ngam jylliew bha sha Bharat, ngi la ioh ia shibun ki kabu ban pyniasoh ia ki jaka rep sha ki iew ki hat kiban kyntiew ia ka ioh ka kot ki nongrep, ban pynduna ia ka jinghiar jingkiew dor ka iew bad pynioh ia ki mar kiba na la ka jong ka ri sha ki nongthied kiba ha kylleng ka ri. Lyngba Ka Flipkart Samarth Krishi, ngi sngew sarong ban ioh ban iatreilang bad ka sorkar Meghalaya ban iarap ban thaw ia ki lad ki kabu ban pynioh ia ka iew kaba iaineh na ka bynta ki nongrep jong ka jylla, ha kajuh ka por ban kyrshan ia ka jingkylla ba radbah jong ka kam rep kam riang ha India.”

U Dr Vijay Kumar D, IAS, Chairman, Meghalaya State Agriculture Marketing Board, u ong, “Ki mar rep kum ki soh ki pai ka Meghalaya bad kiwei kiwei ki mar rep kiba bha la niew ba ki don ia ka kabu ba khraw, bad kane ka jingiatehlok ryngkaba ka Flipkart Group kan long ka sienjam kaba don jingmut ban pynurlong ia kata. Ka thong jong ngi ka long, ryngkat lang, ka long ban pynkhain ia ka jingkhring ia ki nongrep, ban ioh ia ki mar kiba bha bad thaw ia ki iew ba thymmai. Ngi ngeit ba ka digital commerce ka lah ban don ka bynta ka kongsan bha ban iarap ia ki nongrep ka Meghalaya ban poi sha ki iew kiba heh, ban kyntiew ia ka ioh ka kot bad pynkhlain ia ka jigniashim bynta jong ka jylla ha ka jingpynmih ia ki mar rep ha India..” 

Kane ka jingiatehlok ka long kum shi bynta jogn ka Flipkart Samarth Krishi, kaba long ka sienjam treikam kaba ha ka ri baroh kawei kaba la pynkupbor ia kumba palat 10,000 ngut ki nongrep, kaba phai khmat ban pynkhlain ia ka jingpyniasoh hapdeng ki nongrep, ki nongpynmih mar rep bad ki iew ha ka ri lyngba ka digital commerce.