Ki nongshong shnong ka Ri Muliang hapoh ka jingïalam u Bah Tras Nonglang, Sordar ka shnong Mawsikar ha ka thaiñ Langpih, mynta ka sngi Balang ki la aiti da ka jingthoh sha ka Deputy Commissioner ka West Khasi Hills, ka Hema Nayak, IAS, ban pynpaw ïa ka jingsngewkhia halor ka jingwan leh donbor ba khah khah jong ki Pulit Assam ha ka thain̈ Lamgpih.
Haba kren sha ki lad pathai khubor, u Bah Tras Nonglang, sordar ka shnong Mawsikar u la ong ba ka jingwan khah khah ki Pulit Assam ka la pynlong ïa ki paidbah ban im ha ka jingsyier, kaba la pynlong ruh ïa kiba bun ki paidbah ban ujor sha ki bor shnong. U la kyrpad ïa ka Deputy Commissioner ban shimkhia ïa kane ka kam khnang ban lait na kino kino ki jingjia kiba ym sngewtynnad. U la ong ruh ba ka shnong ka kwah ba ka Sorkar Meghalaya bad Assam kin ïakren lang ha ka kyrdan kaba kham halor ban pynbeit ïa kane ka kam, ym tang ha ka kyrdan district.
U Bah Tras Nonglang u la kynnoh ruh ba dang shen ki Pulit Assam kiba don ha Langpih ki la kem bad shoh ïa katto katne ki Khasi khlem kano kano ka daw. U la ong ba kane ka la wanrah ïa ka jingsyier bad ka jingbym shngaiñ ha ka thaiñ bad u la kyrpad ïa ki bor ba dei peit ban shim mardor ïa ki sienjam kiba donkam khang ban lait na kino kino ki jingjia ba sngewsih.
You may also like
-
Nga kyrmen ban ioh Distinction na baroh 36 constituency ha ka ilekshon MP: Dr DRL Nonglait
-
Sam jingiarap MR sha ki kynhun niam, skul ban ai jingshakri ia ki paidbah
-
Pynkup burom ka KSU ia ki samla ba leh bha ia ka JEE
-
Kem ding ka trok kit khaw FCI ha Umsning
-
Ki Nongdie Harud Surok Ba la Kylla Long Ki Nongphah Mar Sha Bar Ri: Ki Nongrep Meghalaya Kiba la Ioh Number Ki la Kheit Ia Ki Soh Jong Ka Jingtrei Shitom