U MP barim ka Rajya Sabha u Dr. Wanweiroy Kharlukhi hynne ka sngi ula phah ia ka shithi iehnoh kam kum u dkhot ka National Peoples Party (NPP). Ia ka shithi iehnoh kam u Dr. Kharlukhi ula phah sha u President ka NPP Meghalaya State Unit u bah Prestone Tynsong ban pyntip ba um kwah ban don bynta shuh ha kane ka party naduh mynta ka sngi ka 24 tarik Nailar,2026.
Halor kane ka jingiehnoh kam u Dr. Kharlukhi, u President Rangbah ka NPP uba dei ruh u Myntri Rangbah u Conrad K Sangma ula ong ba ka party ka pdiang ia ka jingmih noh u Dr. WR Kharlukhi. U Conrad ula ong ba ka jingmih noh jong u Dr. kharlukhi ka dei ka rai shimet jong u bad ka party ka burom ia ka rai jong u. “Ha nga shimet nga sngewsih bad ngam shym la khmih lynti ba kane ka jia hynrei nga burom ia ka rai ba u la shim,” ong u Conrad.
Ula kitbok ia u Dr. WR Kharlukhi kum uwei na ki nongtrei ka party uba la iatreilang naduh ka por jong u kpa jong nga u (Lt) PA Sangma. Ula ong ba na ka liang ka party ka pdiang bad ka burom ia ka rai iehnohkam jong u Dr. Kharlukhi U Dr. WR Kharlukhi ula long MP sha Rajya Sabha ha kane ka samoi ba dang shu dep bad ula bat ruh kum u President ka NPP ha Meghalaya shwa ban shimti sa u bah Prestone Tynsong.
You may also like
-
Shah kawang Petrol Bom ar jaka ha Mawbah, ingkhong ka Scooty
-
Ki Khana Shaphang ki Kynthei Nongrep ha jylla ki wan phai sha ki shnong lyngba ki dur bad ki phlim
-
Plie u Lat ia ka jingrakhe dap 100 snem ka Rilbong Sanatan Hindu Dharma Sabha
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai