U Symbud Myntri Rangbah uba dei ruh u myntri ka tnad PWD (Road) u bah Prestone Tynsong ula iathuh ba ka jingshna ia ka surok na Rongjeng-Mangsang-Adokgre ka la iaid 97 percent haduh mynta .
U bah Prestone haba jubab ia ka jingkylli ba la wanrah da u MLA ka Rongjeng Jim M Sangma ha iing Dorbar, ula pyntip ia kane ka surok la shna na ka pisa ka sorkar India lyngba ka Non Lapsable Central Pool Resources (NLCPR).
Ula iathuh ba ka por ban pyndep ka dei 24 bnai naduh ba pynmih ia ka Work Order bad ki don 2 ngut ki kontraktor kiba dei ki kompeni kiba pyntrei ia kane ka surok.
U bah Prestone ula pyntip ba ka mang tyngka ba la buh da ka DoNER ka long T.210 klur hynrei ha u snem 2018 la pynhiar ia ka mang pisa sha ka T.138.8 klur ia ka surok ba jrong 38 km.
Ula bynrap ba ia kane la pynrung noh na ka pisa ka World Bank na ka jingshah ot noh ka pisa na ka sorkar India.
“Ka DPR kaba la pynkhreh haba sdang kaba long T.210 klur hynrei lah hap ban pynthymmai katkum ka AA ia ka DPR,” ong u Bah Prestone.
You may also like
-
Halor ka jingkhlad u khnnah 12 snem ba suba dih ‘STING’
-
Leit phai iing ki dkhot KSU ba shah khot hajir, bym shah rung ki pulit pahara ha Sadar PS
-
Kular u James Sangma T.20 lak ia ka Seiñraij Mukhla ban pynbha ia ka Aitnar
-
Ki bor pahara kin iaid bteng ha sor Shillong katba ki paidbah kim pat shngain
-
Ka sorkar ka dei ban kitkhlieh ia ki jingjia ha Jylla, ong u bah Pala