Ioh khusnam Best Teacher’s District Award u Babu Aibor Sing Kharpan ka Nehru Memorial skul

U Babu Aibor Singh kharpan u Nonghikai ka Nehru Memorial Hr. Sec. School, Umsning, Ri bhoi District u la ioh pdiang ïa ka khusnam District Best Teacher’s Award ka ba dei ka khusnam kaba kyrpang na ka bynta ki Nonghikai kaba la ithuh lyngba ka tnad Pule Puthi jong ka Ribhoi District.

Ïa katei ka khusnam u Bubu Aibor Singh Kharpan u la ioh pdiang na ka kti jong u Dr. Celestine Lyngdoh MLA ka Umsning ha ka program rakhe ïaka sngi kyrpang jong ki Nonghikai Teachers’ Day ba la pynlong daka Ophis u Joint Director of School Education & Literacy, Ribhoi District, Nongpoh lem bad ka ophis District School Education Ophisar, Ribhoi District bad ka Sub-Divisional School Education Ophisar, Ribhoi District, Nongpoh.

Haba ai jingkren ha katei ka sngi, u Babu Aibor Singh kharpan u la iathuh ba u la sdang ban trei iaka kam kum u Nonghikai naduh u snem 1990 bad haduh mynta u dang iaid neh ha kane ka kam haduh une u snem 2026 bad na u la Shakri haduh 36 snem 6 bnai bad 4 sngi kum u Nonghikai.

U Babu Aibor Singh kharpan u la Pynpaw ka jingiaroh ia u Blei, ba dei lyngba ka jingdon ryngkat jong u Blei ban btin lynti bad ban aibuit aibor ïa u ha lynter ka lynti iaid jong nga kum u Nonghikai kaba la pynlong ia u ban lah ban Shakri bha sha ki khynnah skul kum u Nonghikai.

U ai ruh ka jingkhublei ïa ka Principal bad ka School Managing Committee jong ka skul ba ki la donbynta lang ban kyrshan haka lynti kum u Nonghikai bad kiba la ai ka jingshaniah ha ka kam kaba u trei bad kumjuh ki paralok kiba ia trei lang ïaka kam hikai bad ki khynnah skul ki ba la don bynta kaba khraw ha ka lynti iaid jong u.

U la Pynpaw ba ka long kaei kaei ka burom kaba khraw ban ioh ia kane ka khusnam Best Teachers Award bad u la Pynpaw ka jingsngewnguh ïaka tnad Pule Puthi bad ia u District School Education Ophisar DSEO Ribhoi u Bah R. Shadap ba ki la ithuh bad iohi iaka jingtreishitom jong u kaba la plielad plie lynti pat ïa u ban ioh pdiang ia kane ka khusnam kaba kyrpang.

U Babu Aibor Singh kharpan u la ong, ka jingioh ia kane ka khusnam ka dei ruh ka jing pynkynmaw ba kam dei tang ka khusnam hynrei ka dei ruh ka jingnang kiew jong ki khynnah skul ban long kum ki khynnah kiba don iaka Jingbah Khlieh. Namar kata, u la Pynpaw ba u dap ka jingsngew sarong ban ïoh pdiang ia kane ka khusnam ka ba kyrpang ha kane sngi rakhe ïa ka Teachers Day.

U la ong ruh, Ka kam hikai kam dei tang ka kam ban hikai iaki kot haki kamra klas, hynrei ka dei ruh ka Jingbah Khlieh ban lam lynti iaki heprit ban saiñdur ïaka sap kaba ki don, ban ai mynsiem ba kin don iaka jingiohi jngai bad ban ïalam iaki sha ka Lawei kaba Phyrnai.

Khatduh khatwai, u la Pynpaw ba lyngba kane ka jingioh ïaka khusnam Best Teachers Award u ai ka burom kaba kyrpang ïaki Para Nonghikai, Ki Khynnah Skul bad ki Bahaïing hasem kiba ju ai mynsiem ïa u ban long u Nonghikai uba don iaka Jingbah Khlieh bad ban long u Nonghikai uba lah ban saiñdur ïa ka Lawei jong ki khynnah skul.