Ha kane ka juk mynta, ki briew ki bunkam beit tang ha mobile, lada dei ha iing ne ha surok, ha iew ha hat, ha lynti syngkieng ne sha khlaw ba btap ruh, kim long ban ieh ia ka mobile.
Hynrei hapdeng kum kane ka juk, dang don pat kiba dang klet ia ka mobile, ban pyndonkam pat da ka tiar tynrai ban pynbyrngai ban tem katba dang shong kai, ym tang ha iing hynrei haba sah miet sha khlaw.
Une u dei u rangbah na shnong Mawrah, u bah Phrangsngi Nongrum uba la pyndonkam haduh kine ki sngi ban rah ia ka duitara ban tem byrngia haba u leit sah miet sha khlaw bad haba u don ha iing ruh. Kat shaba u leit sah miet sha khlaw, sha lyngkha, u kit beit ia kane ka duitara ban tem bad ki jingrwai marwei ynda la wan phai na lyngkha sha trep ban thiah ha ka jingkynoi ka miet.
U bah Phrangsngi u dei ruh u sordar ka Mawrah-Rangtmah, bad u dei u riew rangbah uba sngew tynnad ban pynneh ia ka riti dustur jong ka shnong ka thain.
Une u Rangbah ula iathuh ba u la smat bha ban tem naduh mynshwa ha la iing bad u ju rah sha khlaw ban tem ia ka duitara ha jaka sah miet ynda la wan phai na jaka rep lyngkha haduh ban ioh thiah jai.
Ula pynsngew ruh ia ka sur jingtem bad ka jingrwai ban pynhap tara ha kane ka jingiakynduh bad ngi, ka jingrwai kaba batai shaphang ka jingieid.
You may also like
-
Ba ban ka jingduk, ym ju ioh lad ialehkai u kyrtong ka UDP
-
Kiba ioh iakhun ilekshon tang ki riewlum, la pynhiar 18 snem na 21 ka rta nongthep vote
-
Ym don ba lah ban pynkhuid marwei ia ka shnong bad ka Jylla: Sniawbhalang
-
Pynlong Ka Shnong Saiden Ïaka Jingpynkhuid Shnong, Shim Khia U MLA Ban Pynurlong Ïaki Jingangnud Ka Shnong
-
Pynkup burom ia saw ngut ki tymmen ha ka sngi rakhe ki riew tymmen