Pyllait ka ICICI Life Insurance ia ka jingithuh ba thymmai da kaba kula ria ka ‘Har Kal Aasaan’

Ka ICICI Life Insurance Limited, kaba la tip mynshwa kum ka ICICI Prudential Life Insurance Company Limited, myn ha ka sngi nyngkong ka la pynbna ia ka jingithuh kaba thymmai ne ka jingthoh, ‘Har Kal Aasaan’, da kaba phai khmat ban py, nlong ia ka jingbuh pisa life insurance kaba suk, kaba khuid ba suba bad kaba lah ban ioh da ki nongthep pisa kiba long ki nong India.  Ka kompany ka la ong ba kane ka jingithuh kaba thymmai ka pyni ia ka jingtrei ba radbah ban iarap ia ki nongbuh pisa ba kin tip kumno ban thaw ia ki lad buh pisa kiba iaineh slem ha ka rukom kaba shai, da ka jingsngew skhem bad kaba suk. Kane ka bynta kaba thymmai ka kwah ban pynlong ia ka jingiakren shaphang ka life insurance ba kan long kaba ym tang ba kan iada na ki jingbym sngewtikna hynrei ban iarap ia ki briew ba kin lah ban shim ia ki lad ki lynti da ka jingsngewthuh shaphang ka ioh ka kot ka jong ki.

Haba kren shaphang kane ka bynta kaba thymmai, U Srinivas Balasubramanian, Chief of Marketing, Digital & Bancassurance, ICICI Life Insurance Limited, u ong, “Ka kyrteng jong ka ICICI ka don ia ka jak aba kyrpang ha ka jingim jong ki million ngut ki nong India, kaba long kum ka dak jong ka jingshaniah, ka jingkhlain, bad ka jinglah ban ioh ia ki jingkyrshan ha ka liang ka pisa. Ha kine ki 25 snem ba la dep, ngi la lah ban pynurlong ia ka jingangnud bad ka lawei jong palat 20 klur ngut ki nong India.”

U Balasubramanian u la ong ba ka jingkylliang kam, ka jingnang kiew jong ki longiing longsem, ka jingim slem bad ka jingkylliang ha ka rukom buh ha khmat ia ki bynta kiba iadei bad ka jingpynlut ia ka pisa pilang ka la pynlong ia ka jing plan ia kane ka bynta kaba kham jyrwit jyrwat. U la bynta ba kane ka bynta ba thymmai jong ka kompany ka long palat ban ia ka jingkylla kyrteng bad ka pyni ia ka jingtrei ba radbah jong ka ban pynsuk ia ka jingdon pisa bad ha kajuh ka por ban noh synniang ruh sha ka thong jong ka ri kaba long ‘Insurance for All by 2047’ ne ka ‘Jingdon Insurance lut baroh kat haduh ka snem 2047’. Ka kompany kala ong ‘Har Kal Aasaan’ kan ialam ia ka rukom treikam bad ki nongthep pisa bad kito kiba iadon bynta namar ba ka kwah ban pynurlong ia ka thong kaba thymmai ha kaba iadei bad ka life insurance.