Ka Meghalaya Bharatiya Janata Party (BJP) hynne ka sngi kala pdiang burom ia u MDC ka Jowai South constituency u Bah Moonlight Pariat hapoh ka Party.
Ia u Bah Moonlight la pdiang sngewbha da ki nongialam ka Meghalaya BJP naduh u Myntri Sorkar u Bah Sanbor Shullai, MLA Bah AL Hek, president Rickman Momin.
Haba kren ha ka sngi rung shaka BJP, u Bah Moonlight Pariat ula ong ba ka thong jong u ban rung shaka Party ba shynshar iaka Ri India kadei ban iasaid bad ka Sorkar Pdeng ban pyndam noh iaka Para 12 a, jong ka khyrnit ba hynriew jong ka riti synshar ka ri India.
U Bah Moonlight ula kam ba ka para 12 a, jong ka khyrnit ba hynriew, ka teh iaki kti jong ki MDC jong baroh lai tylli ki district council kiba don hapoh Meghalaya namar ba kim lah ban thaw ne pynlong ain khlem da shah khien iap haki ain ba shna daka Sorkar Jylla.
“Ngim (MDC) long kiba laitluid, ngi don shibun ki thong ban leh kham bha na ka bynta ki paidbah hynrei namar kata ka para 12 a, ngim lah ban leh ei ei. Kumta dei na kata ka daw ba nga rung BJP nga kwah ban iakren bad ka Sorkar Pdeng ba ialam daka BJP ban pyndam noh iaka Para 12 a” la ong u Bah Moonlight.
U Bah Moonlight ula iathuh ruh ba u rung shaka BJP namar u don ia kajuh ka thong kum ka Party, kata ban shakri iaki paidbah ym ialade shimet.
You may also like
-
Ap ki MLA ba phet na UDP sha BJP banïoh khubor hadien ba la aiti shithi
-
Ym kwah shuki u AL Hek, pynksan ban ailad ïa kiba dang rung thymmai
-
Wah banner ka KSU kylleng ka Motphran da kaba thmu kynthoh pyrshah ia u SP EKH
-
Halor ka thungkam Staff Nurse ha MCH Nongstoiñ
-
Kylla ka trok kit dewbiat ha surok Umran, phet krad u Driver