Ap ki MLA ba phet na UDP sha BJP banïoh khubor hadien ba la aiti shithi

Ki 8 ngut ki MLA ka UDP kiba phet ban iasoh shaka BJP, ki dang ap ban ioh jingtip na u Speaker ka iing dorbar u Thomas A Sangma hadien ba ula wan phai nabar ri.
Kine ki 8 ngut kila mih na ka UDP bad iasoh sha ka BJP ha u bnai ba la dep ha nongbah Delhi bad kila dep aiti ruh ia ka shithi ha ka ophis u Speaker ba kila iasoh sha ka BJP bad kaba sah ka long ba ki dang ap ia ka khubor na u Speaker ban pyntip ia ki halor kane.
Ki 8 ngut kiba phet sha ka BJP ki long u bah Lahkmen Rymbui na Am-larem, bah Kyrmen Shylla na Khliehriat, bah Olan Singh Suin na Mawsynram, bah Synshar-kupar L Thabah na Sohiong, bah Beyond Matthew Kurbah na Mawphlang, bah Balajied-kupar Synrem na Shella, bah Pius Marwein na Rani-kor bad bah Mayralbon Syiem na Nongpoh.
Katkum ka jingtip, ynda ki la ioh ia ka khubor na u Speaker, ki lah ban shim pat sa kiwei ki sienjam kham -tam ka jingpynkhreh wat ban bujli myntri thymmai ha kane ka sorkar MDA-2, ba ialam u Conrad K Sangma, Myntri Rangbah na ka NPP.
Ka sain pyrthei kan sa paw khamtam ha kaba iadei bad ka jingthung myntri ha kane ka sorkar hadien ba kila ioh ia ka jingpynskhem na u Speaker, bad katkum kine ki 8 ngut kil a dawa shuki 3 ngut ha kane ka sorkar synrop nalor ka kam Symbud Myntri Rangbah.
Ki 8 ngut kila rung sha ka BJP hadien ba ka la kular ban pynurlong ia ki mat ba kongsan jong ka jylla, kynthup ban pynrung ia ka ktien Khasi bad Garo ha ka khyrnit ba phra ka riti synshar ka ri, ka jingpyllait ia ka jingkhang tih dewiong, ka jingpyntreikam ia ka MRRSA ban tehlakam ia kiba wan rung nabar, ka jingpynkynriah ia ki Dalit Sikh na Them Iewmawlong, bad kiwei pat ki mat.