Bam duh ka ding ba klang ïa ka godown ha Demseiñiong

Ka ding kaba la klang bha kala bam duh ia kawei ka godown ha Demseiñiong, kaba don mar pyrshah ka Ophis NEEPCO, Shillong.
Kane ka jia hynne ka sngi Ba-ar ha ka por 2:30 baje janmiet.
Kane ka godown la pyntip ba ka dei ka jaka ba buh buh ia ki tiar tent-house bad ki tiar aiwai, kynthup ki tiar ba pyndonkam ha ki iingkhawai, iingiathoh bad kiwei kiwei.
Ki Pulit pynlip ding kila poi sha katei ka jaka ban iakhun ia ka ding.
Haba kren shaki lad pathai khubor u Superimtendent of Police (SP) ka East Khasi Hills u bah Vivek Syiem u la ong ba kane ka jingjia ka la jia hakapor 2:30 eiei ha kaba mar sien ioh ia ka jingtip ki bor pulit pynlip ding ki la wan marmar sha kane ka jaka.
U Bah Vivek ula iathuh ba kum ba ka long mynta ki kali pynlip ding ki ba la wan ban tem ia ka ding ki la don 6 tylli ki na Meghalaya State Police Fire Service, kumjuh ki kali pynlip ding BSF, Assam Rifles bad Air Force ki la wan ban iarap.
Ula ong ba na ka ling ki pulit kim pat ioh jingtip halor ka daw ba la kem ding haba iakren bad ki trai ka Godown, iathuh ba ka jingkem ding ka lah ban long na ka jingthud ka bording electric ne da kawei ka daw ka jingtohkit kan dang iaid.
Shuh shuh ula ong ba ha kane ka jingjia kam shem la don kano kano ka jingjia ba sngewsih.
“Haba poi ha kane ka jaka ka kam ba nyngkong eh ba ngi la leh ka long ban pynkynriah ia ki lynti ban iaid ki kali pynlip ding ban pynkynriah ia ki briew na ki iing kiba marjan, bad ban sei lut ia ki cylinder gas khnang ba ka ding kan ym saphriang sha kiwei pat ki jaka” la ong u Bah Vivek.