Kumba ka kynhun ki nonghikai deficit ba hap hapoh ka shatri jongka Khasi Jaiñtia Deficit School Teachers Association KJDSTA, kila sdang iaka jingiakhih ba khlem buh por naduh ka 11 tarik mynta u bnai ha Shillong naka daw ba ka sorkar ka leh mynthi bad pynslem ïaki jingdawa bad ki jingeh ba kila dawa mynta la bun snem, mynta ka sngi ka 12 tarik pat la don ka jingiakhih ki nonghikai deficit sa ha Jowai bala pynlong daka
Jowai bad Amlarem Zone ha phyllaw ka cathedral Parish Jowai ha Mosalyngkat.
Ha kane ka jingiakhih ba jai jai ki nonghikai ki da rah lang ruh iaki placard bala thoh iaki mat jingdawa naka sorkar ba kynthup naduh ka CPF, ka jingdawa ban pyllait iaka DA arrear ba sahteng, ban pyntreikam iaka pension scheme 2023, ban sangeh ka jingthmu ialam bakla lyngba ka skhim 2026, ban phah noh iaka pisa lyngba ka Contributory provident fund shaka central account, nangta ban pyntikna iaka jingiaid beit iaid ryntih ka rukom treikam katkum ka aiñ bad kiwei.
Da kaba ong ruh ba kim pdiang satia iaka jinglehklet ka jingbuhrieh bad kano kano ka jingleh bym shai.
Ki ong ruh ba ymdei ban pyndonkam bakla iaka bor jongki.
Haba iakren bad u J.Lyngdoh President KJDSTA Jowai Zone u ong ba kum ki nonghikai deficit ki dap ka jingsniew diaw namar la 2,3 snem ka sorkar kam pat treh ban pyntreikam iaki mat jingdawa jongki.
Ha kaba naduh u 2024 kila pyrshang daka lynti ban iakren shi iakren hynrei ympoi shaei shaei ruh kut tang haki kular bad poi sha u pud ba kin shim da kane ka sienjam.
Wat hynnin ka 11 tarik ruh ka sorkar ka phah iaka jingthoh ban ong ba ka kam kala iaid shakhmat.
Ha kajuh ka por u kyrpad ruh iaki longkmie longkpa bad ki khynnah skul bad kyrshan iaka jingiakhih jongki bad ruh ban long kiba iaishah namar ba kine ki mat jingdawa kala dei shisha ka hok ba ki dei ban ioh.
You may also like
-
Lada ïai ïuhroit ïa ki longkmie pyrshah Ropeway, ym banse ban mih surok: Ardent
-
Shuwa ban sdang proseshon jurip u MLA ïa ka surok ha Maweit
-
Sdang ka tamasa ka thoh ka tar balai sngi ha Nan Polok
-
Ïakhih ki driver bos pyrshah ïa ka sorkar halor ka jaka ïeng kali ha Ïew Mawlong
-
Sdang ka jingrakhe ia ka Jubili Ksiar jong ka Wangala Festival
