Ka jingiakhih sahngeh hikai ba khlem buh por jong ki nonghikai ka Khasi Jaintia Deficit School Teachers Association (KJDSTA) mynta ka sngi Palei, ka la iaid sha ka ar sngi kynthih.
Ki nonghikai ha man ki jaka, kila pyllong ia ka jingiakhih sahngeh hikai da kaba mih hakhmat ki surok ban shong ban pynpaw sha ki paidbah ia ka jingleh mutlop ka sorkar ia ka jingdawa jong ki ia ka hok.
Ha ka jingiakren bad ki nonghikai kiba mih madan ban iakhih na ka thain jong ki skul Mawlai, kila pynpaw ia ka jingsngewkhia namar ba ka jingleh bym suidniew ka sorkar ia ki jingdawa jong ki kaba la slem bah.
Uwei na ki nongialam jong ki nonghikai KJDSTA, ula ong ba kane ka jingiakhih sahngeh treikam jong ki, la sdang naduh hynnin ka sngi Balang, na ki daw ba ka sorkar kam shym la sngap ia ki jingdawa jong ki kaba la neh da ki snem.
Ki jingdawa jong ki nonghikai ka long ban pyllait noh ia ki Arrear jong ka DA, ka Centralised Provident Fund (CPF), ban pyntreikam da ka skhim 2023 ym ia ka skhim 2026 kaba long beain.
Ki nonghikai kila ong ba kum ka kynhun, kila pyrshang ban iakren bad ka sorkar hynrei ki jingiakren jong ki bad ka sorkar ka long kaba kyllain bad ka bym shym la lah ban pynhun ia ka jingdawa jong ki.
“Ngi kum ki nonghikai ngi kwah ban ong ba lada ka sorkar hi nangne shakhmat kam lah ban pynbeit ia ki jingeh jong ki, kin ym kynran dien bad kin iai bteng ia ki jingiakhih jong ki,” la ong ki nonghikai KJDSTA.
Ki la ong ba nangne shakhmat lada ka sorkar ka kwah ban iakren, kin iakren hakhmat ka Camera khnang ban ioh ka jingkhuid jingsuba namar ba ha kine ki jingiakynduh ba ladep, ym iohi ba la iakren bad ki kyllain noh da kumne kumtai.
“Ban don ka jingshai ka jingkhuid hapdeng jong ngi bad ka sorkar, ngi kwah ba nangne shakhmat lada ka sorkar ka kwah ban iakren halor kine ki mat ba dang sahteng, ngin iakren hakhmat ka Camera,” ong ki nonghikai.
You may also like
-
Lieh ka sor Shillong bad jur ka dheng kali na ka jinghap phria
-
Sdang ka KJDSTA ia ka jingiakhih da kaba sangeh hikai kaba khlem buh por
-
Pyrshang kerkut ki Dkhot ka JAC ia u Bah Sanbor
-
Ïa shim bynta ki MLA Meghalaya ha ka jingïalang ha London
-
Ki paidbah ki kwah ban pyniar shuh ka lynti rel ha Garo Hills: DC
