Ki pulit ka Umsning Police Station sa shisien pat ki la shim da ka sienjam kaba tyngeh pyrshah ia ki nongniah thukthuk kiba ju pynlong ia u surok bah National Highway 06 kum ka jaka pynher thukthuk kaba la buh jingma shikatdei ia ki paidbah nongleit nongwan. Hadien ka jingsakhi ia ka jingnang kynrei ki nongniah thukthuk, kiba ju pynher stet bad. ju pynlong jaka pynher thukthuk ha u surok bah khamtam ha ka sngi u Blei, ki pulit ka Umsning Police Station lem bad ki nongialam ka HITO, Umsning Circle ki la pynap shrip ia kito ki nongniah thukthuk bad ruh ban dain kuna ia kito kiba pynkhein ia ki kyndon niah kali.
Ha kane ka jingtalasi bad ka jingpeitngor, la sakhi ba da ki spah ngut ki nongniah thukthuk ki la shah dain kunar halor ka jingbym don ia ki kot ki sla ba biang kum ki lisen, ka jingpyndonkam ia ki tiar jingiada bad ka jingpynher stet ia ki thukthuk ha u surok bah National Highway ha ka thain Umsning.
Kumjuh na ka liang ki pulit bad ka HITO ki la pynphriang ia ka khubor, halor ka jingdonkam ia ka jingshngain ha ka leit ka wan jong ki paidbah da kaba kyntu ia ki nongniah thukthuk ba ki dei ban burom lem ia ka iaid ka ieng ki riew paidbah da kaba kiar na ka jingpynher stet ne ka jingniah khlem akor ia ki thukthuk ha ki surok bah.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC