Ka Commissionerate of Customs (Preventive), Shillong kum shi bynta jong ka Drug Disposal Campaign ka Central Board of Indirect Taxes and Customs (CBIC), kala pynduh noh ïa u drok uba shongdor T.8.5 Klur tyngka uba la ioh ban kurup katkum ka NDPS Act, 1985.
Ïa une u drok la pynduh noh ha ka 22 tarik u Kyllalyngkot ha ka jingsakhi lang jong ka Drug Disposal Committee kaba la ïalam da u Spencer M Mylliem, uba long u Joint Commissioner ka Customs NER bad ki ophisar jong ka tnad Customs bad DRI. La pynduh noh ïa une u drok ha ka rukom kaba dei kaban ym ktah ïa ka mariang khamtam ha kaban pynthikba ba une u jingdih uba sniew dei ban pynduhjait noh na ka jingpynsaphriang sha kiwei pat.
Ka tnad Customs kala shim ïa kane ka sienjam ban pynduh noh ïa une u jingdih ba sniew kum shi bynta ban pyni ïa ka jingiengskhem ban iakhun pyrshah ïa ka jingpyndonkam ïa u drok bad ïa ka jingkhaii tuh da ka jingangnud ban don ka bha ka miat ïa ki paidbah bad ïa ka ri.
You may also like
-
Nga kyrmen ban ioh Distinction na baroh 36 constituency ha ka ilekshon MP: Dr DRL Nonglait
-
Sam jingiarap MR sha ki kynhun niam, skul ban ai jingshakri ia ki paidbah
-
Pynkup burom ka KSU ia ki samla ba leh bha ia ka JEE
-
Kem ding ka trok kit khaw FCI ha Umsning
-
Dawa u Sordar Mawsikar ban tuklar mardor ba leh donbor ki pulit Assam ha Langpih