U Myntri Rangbah ka Jylla u Conrad K Sangma ula leit jurip ia ka Iew Laitumkhrah ban khmih da lade ia ka jingpyniaid shakhmat ia ki kam ki jam ha kaba ia dei bad ka jingtei thymmai ia kane ka iew. Ha kane ka jingleit jurip ha ka sngi Palei la iadonlang ka Myntri Sorkar ka Kong Ampareen Lyngdoh kaba long ruh ka MLA ka thain, u MDC Bah Fantin Lakadong, ki heh ophisar na ki tnad sorkar, ki nongshong dukan bad kiwei kiwei.
Kane ka Iew kaba la rim kala shah bamduh ha ki thylliej ding kaba la jia ha u snem 2022 bad da ka jingshimkhia ka sorkar jylla la sdang ban tei thymmai biang ia kane ka iew na ka bynta ka bit ka biang jong ki nongshong dukan bad kumjuh ruh na ka bynta ban suk ki padbah ha ka leit iew leit hat. U Conrad Sangma ula pynpaw ha ka Facebook ba ula sakhi ia ka jingkmen bad ka jingkyrmen jong ki nongshong dukan bad ki nongdie madan haba ki sdang biang ban pynkhreh ia ka khaii pateng ka jongki kaba long kaei kaei kaba sngewtynnad bha.
Lah ban ong, ba ka jingtei thymmai ia kane ka iew kala iaid bha shakhmat bad ka jingtei ia ki jingtei bapher bapher kala kynjoh sha ka 60-65 percent bad la khmih lynti ba ha u bnai Lber jong u snem ban wan yn pyndep noh ia ki jingtei baroh bad ban sa plie paidbah noh shi syndon ia kane ka iew.
You may also like
-
Ki don 92 tylli ki shnong Meghalaya kiba don ha ka VVP jong ka Centre
-
Bitar ki paidbah ba leh donbor ka Assam ban jurip karkhana tyllait maw ha Killing
-
Mih ki paidbah da ki hajar ha Maikhuli, dawa pynkylla MoU bad pynphai ia ka Pung Dohkha
-
Buh Mawnongrim ka Finance Minister ia ki project ba T.1087.81 klur
-
Puk tur ki paidbah sha ophis DC, pyrshah ban pyntrei ïa ka Kulsi Project