U Myntri ka tnat Pule Puthi ka Meghalaya, u Rakkam Sangma u la kam ba haduh mynta ka Sorkar Jylla kam pat ioh pdiang satia ki jingjujor ba long pyrshah iaka University of Science and Technology (USTM) Ri-bhoi District. Haba kren sha ki lad pathai khubor u Rakkam u la ong baka USTM kadei ka jaka pule riewshimet (Private University) kaba don hapoh Meghalaya bad iaka ba la mynjur ruh daka Iingdorbar Thawain ka Jylla bad iaka skulbah la pynïaid katkum ki kyndon ka Private University Rules jong ka Sorkar Jylla.
Haba kylli halor ki shah kynnoh baka USTM ka ai syrnod (Certificate) thok, u Rakkam u la ong “Ka jingkem ki Pulit Assam ïa u Chancellor ka USTM kam dei halor kata ka jingshah kynnoh hynrei kadei na kawei ka daw. Ngam kwah ban kren halor kata”.
U Myntri u la ong ba haduh mynta ka Sorkar kam pat ioh pdiang daka jingthoh ban ujor pyrshah iaka USTM bad namar kata, kam mih ka jingkylli ban phah tohkit.“Ngam tip balei u Chancellor u shah kem, ngam kwah ban shu kren khlem da tip shai halor ka Sobjek” u la ong
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap