Ki paidbah nongleit nongwan lyngba u Surok Umling-Patharkhmah ki la lait thaw na ki jingjia ba sngewsih ne jingmynsaw hadien ba u wei u diengbah u la khyllem kynsan hapdeng u surok ha kawei ka jaka hajan ka shnong New Tasku ha Ri Bhoi District. La ioh lum khubor, ba kane ka jingkhyllem jong u tei u dieng ka la jia namar ka jingjur ka lyer ha ka por kumba 11 baje eiei mynstep kaba dei ruh ka por ba bun bha ki nongleit nongwan na u tei u surok.
Watla ha kane ka jingkhyllem jong u tei u diengbah kam shem la don kano kano ka jingjia ba sngewsih ia ki paidbah nongleit nongwan hynrei u tei u dieng u la pynjulor pat ia ki sainar ilektrik bad ruh ban wanrah ia ka jingdheng kali kaba jur ha katei ka jaka.
Hadien ka jingshah kut ki kali la katto katne por, la mih pat ki paidbah ban pom ia u tei u diengbah ba la khyllem hapdeng u surok bad ban pynlait noh ia ka jingdheng kali ha katei ka jaka.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok