Rakhe ka assam rifles ia ka raising day kaba 190

Ka Assam Rifles, kawei na ki kynhunshipai ba la rim bad kaba pawnam ha India, ka la rakhe ia ka Raising Day ba 190 ha ka 24 tarik Lber 2025 da ka jingsarong bad burom kaba khraw ha ka jaka treikam ha nongbahShillong. Une u mawmer ulong ka dak jong ka jan ar spah snem jong ka jingshakri bad aiti lut, ka jingshlur bad ka jingaiti kaba khlem ar tatien ban iada ia upudu sam jong ka ri.

U Lt Gen VikasLakhera, AVSM, SM, DG Assam Rifles bad baroh ki kyrdan jong kane ka kynhun shipai ki la pyndon burom ha ka War Memorial ha nongbah Shillong ia ki riew shlur kiba la aiti ia la ka jingim. U DG AR ula ai jingkren ha kaba ula ai jingiaroh ia baroh ki kyrdan halor ka jingnoh synniang ba radbah jong ki ha kaba iakhun ia ki kam lehnoh ha ka thain shatei lammihngi bad Kashmir.

Ka bynta kaba kongsan ha kane ka jingpynkup burom ka long ka jingsamïa ka DGAR Banner na ka bynta u snem 2023-24 sha ki unit ba leh bha jong ka ban kynthup ïa 36 tylli ki Assam Rifles kum ki nongjopha ka kyrdan ba ar, 3 tylli ki Assam Rifles kum ki nongjop ha ka kyrdan ba nyngkong bad 4 tylli ki Assam Rifles kum ka lahduh jong ka DGAR Banner 2023-24. Ki khusnam ki ithuh ia ka jingaiti, ka jingtbit bad ki jingnoh synniang ki shipai bad ki kynhun bapher bapher ha kaba pynthikna ia ka jingshngain bad jingshongsukshongsain jong ka thain.

Ka kynhun shipai ka la bteng ban pyni ïa ka jingtbit jong ka ha ki kam ha u snem 2024-25. Ha kane ka snem ba la dep, saw tylli ki Battalion jong ka Assam Rifles ki la ioh ia ka khusnam Chief of the Army Staff Unit Citation bad hynriew tylli ki Battalion ki la ioh ia ka khusnam General Officer Commanding-in-Chief Unit Citation. Nalor kata, la pynkup burom ïa ki shipai da ka Shaurya Chakra, 8 tylli ki takmaSena, 400 tylli ki takma President bad ki Lat. Ka kynhun shipai ka la pawnam ruh ha ki kam ïalehkai da kaba khur 254 tylli ki takma ha ka National level bad 21 tylli ki takma ha ka kyrdan International ha ki jingïalehkai bapher bapher ha u snem 2024-25.

Kane kakynhun shipai ka dang iai bteng ban pynthymmaiia ki tiar jong ka ha kaba iadei bad ka jingioh ia ki tiar kiba thymmai, ki tiar ialeh, ki tiar peitngor bad ki tiar iada. Man la u snem, ka Assam Rifles ka dang ïai bteng ban ieng skhem hapdeng ki paidbah ka thaiñShateiLammihngi. Katba ka thain ka nang iaid sha ka roi ka par, kane ka kynhun shipaika dang iai bteng ban pynrung ia ka jingsngew shngain hapdeng ki nongshong shnong. Ka Assam Rifles ka dang ïai bteng ban kiewshaphrang ban ïakhunïa ki jingeh kiba thymmai bad ban im katkum ka thong jong ka bad ka bynta jong ka kum ki ‘Nongiada jong ka thaiñ shatei lammihngi’.