Shi taïew ai por ka KSU ïa ka tnat Urban Affairs, pynap da ka jingïakhih ba tyngeh

Ka Khasi Student Student (KSU) Shillong Mihngi Circle kala aipor shi taiew tam iaka tnat Urban Affairs ka Sorkar Meghalaya ban bthah ia ka Ophis treikam CBI ban pynpra ia ka jaka mane blei ba la tei ha phyllaw jong ka Ophis kaba don ha Mawdiangdiang.
Ia kane ka rai ka KSU kala pyntip hadien ka jingiakynduh ia u Director ka tnat Urban Affairs ka Sorkar Meghalaya.
Haba kren shaki lad pathai khubor u General Secretary ka KSU Shillong Mihngi Circle u samla Samuel Kharbani ula ong ba ka Seng kala ioh pdiang iaka jubab naka tnat Urban Affairs baka la ai jaka iaka CBI ha Mawdiangdiang ban tei tang iaka Ophis treikam bad ka jaka sah.
U samla Samuel ula ong ba dei namar kane ka KSU kala ban jur baka tnat Urban Affairs kadei ban bthah iaka CBI ba kadei ban pynpra noh iaka jaka mane Blei namar ka long beain katkum ka iingiateh.
“U Director ula pan por daka ba ong ba un hap iaid katkum ki mat bala kdew daka KSU namar kata ngi la ai por shi taiew tam iaka tnat Urban Affairs bad kan leh iaka ba donkam ban bthah iaka Ophis CBI ban pynpra iaka jaka mane Blei bala tei beain” la ong u samla Sameul.
“Namar kata ngin ap iaka jingpan por u Director bad lada ka tnat Urban Affairs kam lah ban leh eiei, ngin pynlong daka jingiakhih hangne ha khmat Ophis Urban Affairs ne ha Ophis CBI Mawdiangdiang” ula ong.
U Nongialam ka KSU ula ong ba ka seng kam kwah ban ai jingthoh eiei shaka CBI namar ha ka por ba ki leit iakren, ki nongmihkhmat ka CBI kim shym la kwah ban iakren bad ki pyni man iaka jingsngew meng jong ki.
“Ka jingkylli sha ka CBI ka long ba, kaei ka jait nongrim kaba phi pyrshang ban pyni sha ka Jylla Meghalaya haba ma ki hi ki pynlong ia ki jingtei beain hapoh ka ophis treikam CBI kaba don ha Mawdiangdiang” ula ong.