Ka jingiaid Pilgrim ki riewngeit Hindu na Shillong sha krem Mawjymbuin, Mawsynram hynne ka sngi ka long kaba iaid beit bad da ki spah ki la poi sha katei ka jaka ban lehniam katkum ka jingngeit jong ki
Ka khubor ka iathuh ka kynhun ki riewngeit Hindu na Mahadev Khol, Shillong ka la sdang ka jingiaid kjat naduh hynnin ka sngi Saitjian hynrei ki sah noh shiteng lynti bad hynne ka sngi U Blei ki la poi ha krem Mawjumbuin, Mawsynram, East Khasi Hills ban pyndep ia ka jinglehniam katkum ka jingngeit jong ki.
La iathuh ki don kiwei kiba leit da kali mynta ka sngi ban leh burom ha katei ka krem Mawjumbuin hynrei hadien ba la dep ka jinglehniam kumba ju long man u snem ki wan phai noh sha Shillong.
Ki bor District ryngkat ka nongialam shnong hynne ka sngi ki la pynjur ki bor pahara ha katei ka jaka ban ai lad ia ki riewngeit Hindu ban pyndep ia ka jinglehniam bad kumjuh ban iada na kino kino ki jingjia ba sngewsih ioh don kiba shim kabu.
Kum ban pynpaw ka Krem Mawjumbuin ka jngai kumba 65 km na Shillong bad ka don ha Mawsynram Block, East Khasi Hills bad la iathuh bun bha kiba leit niuh kjat ha katei ka jaka mynta u snem.
You may also like
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla
-
Ther u Sosthenes Sohtun ba kynnoh ïa ka Meghalaya ba shlei um ka Assam
-
Shong Kyllain Mungor ki nongtrei PM Poshan, dawa pynkiew bainong
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District