U Myntri Rangbah ka jylla u Conrad K Sangma ula ong ba ka sorkar jylla kam donbor ban tuklar ia ki kynrum kynram ha NEHU namar ia kane ka skulbah la pyniaid da ka tnad pule puthi ka sorkar pdeng. U Conrad ula ong ba watla katta, ka sorkar ka sngewkhia jur ia ki samla pule bad ka sorkar jylla katkum ka bor jongka, ka la pyrshang ban pynbeit ia kane ka jingeh ki kynrum kynram kiba don ha kane ka skulbah.
“Ka NEHU kadei ka skulbah ba la pyniaid da ka tnad pule puthi ka sorkar India naduh ka jingthung ia u Vice Chancellor la leh da ka President. Namar katta ka eh ia ka sorkar ban tuklar markhmat namar ka lynti ka ain kam shah satia,” ong u Conrad haba kren sha ki lad pathai khubor.
Ula ong ba watla ka sorkar jylla ka kwah ban tuklar hynrei ka don ka jingkhang lad bad halor kane, ka la pyrshang da kiwei ki lynti da kaba iasyllok ia ki samla pule, ki nonghikai, ki nongtrei bad ki kynhun bapher bapher. Hynrei haduh mynta ym pat lah ban tip ia ka jingmih watla ula iai kren man ka por bad u myntri ka tnad pule puthi ka ri.
You may also like
-
Lap i’u rangbah ba sdien phasi ha dukan, suba kiba haiing ba shah pyniap
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok