Pynibor ki Garo ha Langdongdai, leit pynieng Sign Board ka KSU

Ka KSU Mawshynrut Circle hapoh ka jingialam Jong U Samla Armstrong Sohshang President KSU Mawshynrut Circle bad U Samla Ulysis Ryntong General Secretary KSU Mawshynrut ha ryngkat ki dkhot lem ki Paitbah Nongshong Shnong ka Hima Nonglang Sirdarship ka la leit ban thung syndon da ka signboard ha khappud bad ki Garo ha Umpait  ban pynphai iaka jingleh donbor ban wan kam pud jubor ki Garo ha katei ka thaiñ. Haba ai jingkren na ka Liang jong U Samla Ulysis Ryntong General Secretary ka seng U la ong ba ka seng ka kyndit bad dap da ka jingsngewsih iaka jingwan leh donbor jong ki Garo ba wan panpait bad pynpra iaki Mawpud  – Mawsam bad pyntieng iaki paitbah ba Shong ha kitei ki thaiñ haka 7 tarik iaiong 2025 ha ka Shnong Langdongdai

Shuh shuh Ula ong ba ha jingshisha ka la don ka minutes of meeting hapdeng ki ar ki Council kata ka Khasi Hills Autonomous District Council bad ka Garo Hills District Council bad la pyniaid ia katei ka meeting da U Bah S. Kharlyngdoh IAS (Bam Kwai ha Dwar u Blei), Secretary Political Department ha ka 31 tarik jymmang 2024 bad baroh artylli ki Council ha ryngkat ka Sirdar Hima Nonglang ki la pdiang ba ka Shnong Mawgru, Nongkonghur bad ka Ringkha ka hap hapoh ka jingpeit ka Hima Nonglang West Khasi Hills District . Ula ong ruh ba kane ka jingthombor jong ki garo kadei man ka por ha kaba kila nud ban buh iaka jaka khrong khajna beaiñ na ki kali kit mar rep jong ki Khasi bad na ka liang jong ka seng mar mar ha U snem 2020 ka la pynpra syndon ia katei ka khyrdop beaiñ ki garo bad mynta ka kynti ruh ki kwah ban klun iaki jaka khnang ba kin ioh ban leh katba mon iaki kam beaiñ.

Shuh shuh Ula ong ruh ba ka seng ka kyrpad ban kin nym pyni bor lane thombor lym kumta la seng ruh kam banse ban pyni bor ne ban tyngkhuh bad ki ban iada iaka hok longtrai jong ki Paradoh ba sah hakitei ki jaka bad Ula kyntu ruh iaka sorkar ba kan peit pyrman khnang ban lait Kano kano ka jingjia sngewsih bad lada Jia ei ei ka sorkar ka hap ban bah khlieh. Haba ai jingkren na ka liang jong U Armstrong Sohshang Ula ong ba ka seng ka dap da ka jinglyngngoh iaka jingthobom ki garo na ka por sha ka por bad ka seng ka sngewban pynrem iaki Garo ba wan kam trai naduh na Langdongdai katba ka jaka Khasi ka dei naduh ba wan thung ia ka Signboard kata na Umpait ter ter bad ki la kam palat 10 kilometers katkum ki kot ki sla ba lap na ka Hima. Shuh shuh ula ong ruh ba kane kadei ka jingpyrshang ban pynkhreh jong ki iaka greater Garo land kumba kila dawa man ka por bad ka don ruh ka political backup kumba ka paw .

Te hynrei na ka liang jong U Sohshang Ula ong ba wat tang shi inshi ruh un nym ai kaba dei hok ki jaka jong ki Khasi bad ka seng ka kyntu ruh iaki paitbah ba Kim dei ban tieng hynrei ban ieng rasong na bynta ka hok lajong  Shuh shuh Ula ong ruh ba ka seng kan iai buddien bad don ha Syndah bad ki paitbah lada ki donkam ha Kano kano ka por.