Kyntait ki nongdie madan ia ki basa ba shna ka sorkar

Ka tnad pynroi sor bad ka Shillong Municipal Board ki la pynshna paka ia ki dukan na ka bynta ki nongdie madan ki ban sa pynkynriah noh na Khyndai Lad, khnang ban pyllong ia katei ka jaka kaba kylluid bad kaba lait na ki nongdie madan. Ia kine ki dukan ka sorkar ka la pynshna ha jaka ieng kali mar pyrshah ka State Bank of India (SBI) bad ha ka thain Jail Road ban pynshong ia ki kumba 300 ngut eiei ki nongdie madan. Hynrei kane ka jingpynkhreh ka sorkar ban pynkynriah ia ki nongdie madan ka dang sahteng namar ba kam pat dep ban pynbiang ia ki jingdonkam baroh.

Katkum ka jingtip, ki nongdie madan hapoh ka lama ka Meghalaya and Greater Shillong Progressive Hawkers and Street Vendors Association (MGSPHSVA) ki la kyntait ban kynriah sha ki jaka ba ka sorkar ka la pynshna bad ki pyneh ban pynneh beit ha ka jaka ba ki don mynta ha Khyndai Lad. Ha ka jingkren bad ki nongiaid nongieng ki la pynpaw ba ka jingtur palat ki nongdie madan sha lynti iaid kjat, ka la buh jingeh ia ki nongiaid nongieng namar ba ka la pynkhim ia ka lynti.

Ki la pynpaw ba lada dei ba ki shong tang shilain ka dang kham biang hynrei mynta lei ki la nangshong sa ar syrtap lai syrtap bad ki kyrmen ba ka sorkar kam dei ba kan leh bein ia ki hynrei ka dei ban pyrkhat lang ruh ba ki nongdie madan na ka bynta ka die ka thied jong ki.