Ki pulit jong ka East Khasi Hills hynne ka sngi, ki la ioh kem ia ka kynhun jong ki 5 ngut ki nongtuh ia ki thuk thuk kiba la jia ha kylleng jong ka nongbah Shillong. U Superintendent of Police (SP) jong ka East Khasi Hills u Bah Vivek Syiem, ula iathuh dang step phyrngab hynne ka sngi ki la don ar tylli ki Bike R15 ba shah tuh na Sunny Hills bad 3 Mer Upper Shillong bad ki la pyntip ia ka jingjia sha ki pulit ba ap pahara ha ha kylleng ki jaka.
Ula iathuh kawei ka bike ba la tuh na 3 Mer la ieh noh ha kawei ka jaka ha Sangmein, katba ia kawei pat la ioh bat da ka kynhun pulit ba pahara ha ka thain Pynursla, ha kaba uwei na ki nongtuh ula ioh ban kynthih bad phet krad bad ki pulit ki la ioh kem tang ia u Nironton Tangsong 24 snem ka rta na ka shnong Mawryngkang. Ula bynrap ka Special Cell EKH, ka la bud dien ia kane ka jingjia bad ka la ioh kem sa 4 ngut kiba donkti tuh thuk thuk kynthup ia u Pius Talang 19 snem na shnong Pyrdiwah, u Lovingstar Surong 18 snem, u Balajied Mawiong 19 snem bad u Banpynskhem Mukhim 19 snem ka rta na ka shnong Pynursla.
U Bah Vivek ula pyntip katei ka kynhun ki nongtuh ka dei kaba la donkti ban tuh ia ki thuk thuk bad lashai ka sngi Balang ia kine ki 5 ngut ba shah kem yn ialam sha iing kashari.
You may also like
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC
-
Phah jingthoh ka GTF sha ka DC ban khang klong shyiap ha Wah Kynshi
-
Shem jingeh ka jylla ban pyniaid shakhmat ka jingpule halor ka AI”