Pyllait ka Centrum ia ka Centrum Recharge Energy Drink Mix kaba shim bynta da ka Brand Ambassador ne ka nongmih khmat ia kane ka jingdih ka Anushka Sharma

Centrum, ka kyrteng kaba paw bad ba shaniah ha kaba iadei bad ki jingdih multivitamin, mynta ka sngi ka la pynbna ba la pyniar ia ka jingpynmih ia ka jingdih ba la tip kum ka Centrum Recharge, ka jingdih ba thymmai kaba la rung ha ka thup jong bun jait ki jingdih ba pynioh por ne Energy drink. La shna ia nejingdih ha ka rukom bad buit stad ba thymmai ban pynlong ia kiba dih ia ka ba kin ioh ia ki vitamin bad mineral ba donkam kiba ki mih noh na ka met na ka iaid ka ieng ne ka trei ka ktah ba man la ka sngi, bad kane ka jingdih ka ai bor, pynkhlain ia ka met bad pyllait ia ka jingtyrkhong um ka met. Bad dei hangne ba ka sa wan ka Centrum Recharge, ia kaba la shna da ki 13 tylli ki vitamin bad mineral kiba donkam bha, ba kynthup ia ka B Vitamins, Vitamin C, Magnesium, bad Zinc, baroh na kine ki long kiba donkam ban kyrshan ia ka bor, ka jinglah ban iakhun jong ka met ia ki jingpang jingshitom bad ban pynllait ia ka jingtyrkhong um ka met. Ka jingdon jong ki Vitamin bad Mineral ha ka Centrum Recharge ka long 2 shah ban ia nujor bad kiwei ki jingdih multivitamin energy drink kiba la pynmih ha iew, bad khlem ai shini, bad kumta ka pynlong ia kane ka jingdih kaba tei na ka bynta ki nongdih. Ia kane ka jingdih la thep ha iwei iwei i pla plastic ba rit ne ki sachet, kaba biang bha ban dih haba leit ba wan. Haba kren shaphang kane ka jingpynmih ba thymmai, U Atish Negi, Category Lead – Vitamin & Mineral Supplements, Haleon ISC, u ong, “La shna bha ia kane ka jingdih da kaba buh ha khmat ia ki jingdonkam ia ki micronutrient katkum ki briew bapher bapher. Lah ban ioh ia une u jingdih ha ki 2 jait- na ka bynta ki khynnah bad kiba la heh.”

Ban pynkhlain ia kane ka jingpynmih, ka Centrum ka la pynmih ia ka byrta ka shula ha kaba la iashim bynta da ka actress bapawnam ka Bollywood bad kaba long ruh ka Brand Ambassador, ka Anushka Sharma. Ha kane ka byrta ka shula la pyni ia ki bynta kiba ki briew ki lah ban pyniasyriem ha kaba ki briew ki ju tlot ne hiar ka bor katba dang leh ia ki kam ba man la ka sngi, bad kumno ba ka Centrum Recharge ka iarap ban pyndap biang ia ka bor jong ki bad iai bteng ba kin leh ia ki kam ba bun jait. Kane ka byrta ka shula la shna ban iahap bad ka jingshisha “Ka met jong ngi ka duh ia ki vitamin bad ki mineral man la ka sngi bad kaba pynlong ia ngi ban gin thait. Mynta phi ioh biang ia ki da ka Centrum Recharge!”. Ka jingdih Centrum Recharge kadei kaba biang bha ban dih haba leit ba wan ha kaba ha kane ka jingdih don haduh 13 vitamin bad ki mineral ban ai bor, ban pynkhlain, bad iada na ka jingtyrkhong um ka met. 

Ka Anushka Sharma ka ong, “Nga sngew kmen ban ioh ban iadon bynta bad ka Centrum bad ban kren ne ban mih khmat ia ka Centrum Recharge. Kum ka briew kaba bunkam bha, nga sngewthuh ia ka jingdonkam ban pynneh ia ka bor bad pyndap ia ki nutrients kiba kongsan. Ka Centrum Recharge ka iarap ia iwei pa iwei iba kwah ban ioh ia ka lad kumno ban pynneh ia ka bor bad pynlait na ka jingtyrkhong ka met.” Ia kane ka byrta ka shula yn pyllait ha bun ki rynsan bad channel, kynthup ia ka digital, offline, ki jingleh kilan met, ki jinglehkai bad jingkilan met ne sports & fitness activation, bad kiwei kiwei. Lah ban ioh ia ka jingdih Centrum Recharge ha ka jingmad sohniamtra ne Orange flavour, ha ka dor ₹10 shi song ne sachet (5g), ha ki pharmacy ba hajan jong phi, ki dukan die marbam, ki iew supermarket, bad ki rynsan e-commerce ha kylleng ka ri India.