Ka kynhun ki shnong khappud ka thain̈ Kyrshai hapoh ka shatri jong ka Assam-Meghalaya Joint Protection Committee, mynta ka sngi ka la wan poi sha Nongstoiñ ban leit aiti ia ka dorkhas sha ka Sorkar Meghalaya lyngba u Deputy Commissioner ka West Khasi Hills District, u Bah Garod LSN Dykes. Ka jingwan jong katei ka kynhun kaba kynthup da ki spah ngut ki paidbah, ka long da ar tylli ki bus bad ki kali rit, kiba la poi sha ka ophis u DC kum ka dak jong ka jingpyrshah halor ka jingthmu ban tei Dam ha ki Wahbah kiba don ha katei ka thaiñ khappud. Ka projek dam kaba la tip kum ka Kulsi Dam Project ka dei kaba la peit da ka sorkar Assam bad Meghalaya, kaba la pynmih jingartatien ia ki paidbah jong katei ka thaiñ namar ka jinglah ban shah ktah lyngba ka jingpyntrei ia katei ka Project.
Palat 20 tylli ki seng trei mon sngewbha na ka jylla Assam bad Meghalaya ba kynthup ia ka Federation of Khasi Jaintia & Garo People (FKJGP), Kyrshai Area Unit, Khasi Students’ Union (KSU), Kyrshai Unit, All Rabha Students’ Union, Kamrup District Committee, Garo Students’ Union (GSU), Kamrup District Zone, Garo National Council, Kamrup District, All Rabha Women Council, All Rabha National Council, All Assam Bengali Youth Students Federation, All Assam Gorkha Students Union, All Assam Koch Rajbongshi Students Union, All Assam Students’ Union, Chhaygaon Anchalik Committee bad kiwei pat ki kynhun. Ia katei ka kynhun la lamkhmat da u Bah Albert Nonglang, Chairman jong ka Assam-Meghalaya Joint Protection Committee, bad u Bah Probin Snar, uba dei u Secretary jong ka Committee, bad la don ryngkat lang ruh u Rajani Boro, uba dei u nongaibuit pyrshah ïa ka jingtei dam na ka jylla Assam.
Ka thong jong kane ka jingïakhih ka long ban pynkynmaw ïa ka Sorkar Meghalaya halor ki jingma bad ki jingeh ba lah ban mih na ka jingtei ïa kitei ki dam ha ki thaiñ khappud kiba lah ban ktah ïa ka mariang bad ïa ki paidbah nongshong shnong ha katei ka jaka. U Rajani Boro, Nongai buit jong katei ka kynhun u la dawa ba ka sorkar ka dei ban sngeh noh ban pyntrei ia katei ka project bad ka la don ruh ka jingbyrngem ban iakhih tyngeh bad wat ban poi sha ka jingiaum snam lada ym lah ban pynkut noh ia katei ka project.
You may also like
-
Ki don 92 tylli ki shnong Meghalaya kiba don ha ka VVP jong ka Centre
-
Bitar ki paidbah ba leh donbor ka Assam ban jurip karkhana tyllait maw ha Killing
-
Mih ki paidbah da ki hajar ha Maikhuli, dawa pynkylla MoU bad pynphai ia ka Pung Dohkha
-
Buh Mawnongrim ka Finance Minister ia ki project ba T.1087.81 klur
-
Pynkup burom ka MBYCC ia ka samla Banrihun ba khur ar ki takma ksiar