Pynmih kam ka slice SFB haduh 400 tylli, kiew ka Deposit 20.7% bad pyniar ia ka Rural Banking

Ka slice small finance bank (slice SFB), kaba don ia ka headquarter ha Assam, ka la nangiar ha sawdong kane ka jylla bad sha kiwei pat ki bynta ka Northeast,  kaba la kylla long mynta kawei na ki paralok ban pyniar ia ka roi ka par ha kane ka thain. Ha kine ki snem ba la leit, ka slice SFB  ka la sakhi ia ka jingkiew kaba 20.7% ha ka deposit jong ka tang  ha Assam, kaba pyni ia ka jingshaniah jong ki nongthied kaba nangroi bad ka jingpynrung ia ka pisa tyngka ha ka jylla. Ha kajuh ka por, ka bank ka la thaw palat 400 tylli ki kam thymmai ha ka thain shatei lammihngi, kaba pynskhem biang ia ka jingangnud jong ka ban pynlah ia ka lad ha ka thain bad ka jingpynkupbor ia ka ioh ka kot.

Ban shakri shuh shuh ia ki customer, ka slice SFB ka dang pyniar ia ka network jong ki tnad treikam jong ka da kaba pynrung ia ki tnad thymmai ha Wokha (Nagaland), Bawngkawn bad Serchhip (Mizoram). Ka bank ka la nang pynthymmai ruh ïa ki katto katne ki tnad jong ka kiba la don lypa ha kylleng ka Assam ban sdang ia ka digital ryngkat ka teknoloji  ban pynsuk ia ka rukom treikam. Ia kine ki jaka ba la pynthymmai la shna khnang ban wanrah ia ka ka jingshakri ka bank na ka bynta ki longiing ha nongkyndong, kam khaii ban lamkhmat da ki kynthei, bad ki nongpyndonkam digital ha ka sien nyngkong. “Ka Assam kam dei shuh tang ka iing jongngi. Ka dei ka jaka ba ka kam shakri jongngi ka sdang. Ngi sngewnguh ia ka Sorkar Assam na ka bynta ka jingialam bad jingkyrshan jong ka ban pynurlong ia kane ka kam. Ngi sngew sarong ban kiew ryngkat bad ka Assam bad na ka bynta ka Assam.

” ong u Satish Kumar Kalra, MD & CEO, slice small finance bank.     

“ Ka bank ka la shim ruh ia ki sienjam kiba paka tam. Da kaba pynleit jingmut bha ha ki MSME jong ka Assam, ki kam ba ïadei bad ka rep ka riang, bad ki nongshim ram ba shem jingeh, ka slice SFB ka la pynsuk ïa ka jingïoh ram kaba sted, ki mar ba la shna kyrpang, bad ka jingshim rai ha ka thaiñ. Ha ka jingïahap bad ka jingthmu jong ka Sorkar India na ka bynta ka jingpynrung ïa ka digital, ka slice SFB ka la sdang ruh banpyrung ia ka voice box technology ban ïarap ïa ki nongseng kam ban pdiang ïa ki jingsiew digital. Ka tei ka tekhnoloji ka ai ïa ki jingpynthikna da ka sur ha ki ktien jong ka thaiñ, kaba pynlah ïa ki nongkhaii ki bym dei ki trai ri trai muluk ban ïaid lyngba ïa ki jingïaid ïew da kaba sngewskhem bad ban pynbha ïa ka jingïakynduh jong ki bad ki nongthied.

Ha ka jingpeit pyrman, ka slice SFB ka bei tyngka ha kaba pynkupbor ïa ka jingpynioh pisa na ka bynta ki riew kynthei, bad pyntbit ïa ki nongtrei bym pat don jingtbit ha ka kam, kiba la pynkhreh na ka bynta ka lawei, kaba thmu ban pynïaid ïa ka jingrung kaba kham jylliew ha ki nongkyndong jong ka Assam bad ban thaw ïa ki jingïakynduh kiba kham suk ban pyndonkam na ka bynta ki nongthied kiba duna ka jingnang jingstad ha ka digital.

Kumba ka slice SFB ka dang pynkhreh ia ka bynta ka jingsan hadien habud, ka North East kan iaid long ka nongprat lynti ym tang kum ka nongrim hynrei kum ka pdeng jong ka buit treikam jong ka. Ka jingthmu jong ka bank ka long ban bteng ban tei ïa ka jaka ai pisa kaba pynpaw ïa ki jinglong jong ka thaiñ Shatei Lam Mihngi: ka jinglah ban ïakhun, ka jingïadon bynta lang, bad ka jingkiew kaba pyrkhat shakhmat.