Pynmih ka Tata Motors ia ka Ace Pro

Ka Tata Motors, kawei na ki kompany baheh bha ha India kaba shna ia ki kali kamai., ka la jam sa sha u mawmer ba thymmai ha ka jingshna ia ki kali kit jingkit da ka jingpynmih ia ka Tata Ace Pro ba thymmai, kaba la nang rah shuh shuh ia ka nam jong ka ia ka jingkylla ha ka jingpynmih ia ki kali kit jingkit. Ka dor jong ka kali ruh ym don ba lah ban ianujor bad ka dor ka sdang naduh 3.99 lak tyngka, ka Tata Ace Pro kadei ka truck rit ba saw shaka kaba lah ban thied bad ia kot bor lang, kane ka kali ka long kaba biang bha, bad ym lah ban ianujor bad ka jingsuk ban pyndonkam bad ka long ruh kabab ha.
La shna pynwandur ia ka ba kan pynkupbor ia ki nongseng kam lajong kiba dang mih ha kine ki sngi, lah ban ioh ia ka Tata Ace Pro kaba iaid da ka Petrol, Bi-Fuel (CNG + Petrol), bad Electric – kaba ailad ia ki nongthied ba ki lah ban jied ia kano ka jait kali ba ki donkam na ka bynta ki kam jong ki.
Ki nongthied ki lah ban book ia ka kano kano ka kali Ace Pro kaba kum ka mon jong ki na kino kino ki jaka die kali kamai jong ka Tata Motors’ kiba don haduh 1250 tylli ha kylleng ka ri ne na Fleet Verse, bad na ki rynsan online jong ka Tata Motor’s. Ban pynsuk ia ka jinglong trai ia ka Tata Ace Pro, ka Tata Motors ka la iateh bad ki bank ba paw bad kumjuh ruh bad ka NBFC ban ai ki jingtyrwa ban pynsuk ha ka rukom ban ioh ia ka jingkyrshan pisa khlem da hap ban bunkam, ba kynthup ia ka jingioh ram kaba kloi, ka jingsiew EMI kaba aram, bad nang kham pynsuk ka jingioh ia ka jingkyrshan pisa, ban iahap bad ki jingdonkam ba bunjait jong ki nongthied.
Haba pyllait ia ka Ace Pro, U Girish Wagh, Executive Director, Tata Motors, u ong, “Ka jingpyllait paidbah ia ka Tata Ace ka la wanrah ka jingkylla ha ka jingdon jong ki kali kit jingkit ha India. Ha kine ki palar arphew snem ba la dep, ka la lah ban nang pynkupbor shuh shuh ia palat 25 lak ngut ki nongseng kam lajong ba kin lah ban iaid sha khmat bad trei ki kam jong ki. Da ka jingdon jong ka Tata Ace Pro, ngi la lah ban pynneh ia ka nam da ka jingthmu kaba la pynthymmai na ka bynta ka jingangnud jong kane ka pateng kaba mynta. La shna ia kane ka kali ba kan long kaba skhem, kaba shngain bad kaba pynioh nong, ka Ace Pro kadei ka kali kaba lah ban kamai bha ban pynurlong ia ka jingangnud jong ki nongseng kam lajong ba kin long kiba la pynkhreh na ka bynta ka lawei.”
Haba kren shaphang ka Tata Ace Pro, U Pinaki Haldar, Vice President & Business Head – SCVPU, Tata Motors Commercial Vehicles, u ong, “Kane ka kali Tata Ace Pro kaba don shibun ki jingmyntoi la shna ia ka da ka jingsngewthuh ia ki nongthied bad la shna ia ka ha kata ka rukom ba kan iahap bad ki jingdonkam ba bun jait. Ia kane ka kali la leh ia ki test ba bun jait bad la pyniaid ia ka ha ki lynti syngkien kiba ha rukom bad kumjuh ha ka rukom bapher bapher jong ka jinglong jingman ka suinbneng, bad la lah ban pyniaid haduh lak kilometer. Da ka jinglah ban jied ha ka rukom treikam da ki umphniang ba bunjait, da ka jingduna dor bad ka jingsuk ban nniah, ka Tata Ace Pro ka long kaba biang bha na ka bynta ki kam bapher bapher. Ka jingpynmih sa ia kane ka kali ka la nang pynskhem ia ka jingtrei ba radbah jong ka Tata Motors ban iarap ia ki nongseng kam lajong bad kito kiba don ia ki kam kiba rit ba shaniah ha ka, bad long ka lad ka lynti na ka bynta ka lawei ha kaba iadei bad ki kali. Ka thain shatei lam mihngi, kaba ka rukom long ka jaka ka ia khle lang, ka jingkiew ha ka kam khaii pateng bad ka jingiar jogn ka sor, kane ka kali ka wanrah ka jingtyrwa kaba skhem da ka jingdon ki jait kali bapher bapher ha kane ka thup. Ha Assam, ka district kum ka Dibrugarh, Nagaon bad Barpeta kaba pynmih ia u slasha, ka ba khlain ha ka khaii pateng ha ia ki mar rep bad ka jingpynkit ia ki tiar ki tar kane ka truck kaba lah ban kit shibun, kaba heh ka jaka kit, kaba ym shim jaka ban khun bad ka jingdon jong ka fourwheel kaba skhem ka long ka kali kaba biang bha ban pyndonkam ban kit ia ki jingkit bad ia kito kiba dang shu pyndonkam ia ka ha ka sien ba nyngkong. Ha ki jaka ha Guwahati, ka kali kaba iaid lang da ar jait ki bor treikam ne Bi-Fuel ka iarap ban pynbiang ia ka jingduna ka jinglut ha baroh ki jaka sor na ka bynta ban pynkit ia ki FMCG nad kiwei kiwei ki jingkit, katba ha Jorhat, Cachar bad Morigaon, ka kali kaba iaid da ka elektrik ka long ka bym da pah, ka bym pynmih lyer jaboh na ka bynta ban iaid ha ki lynti syngkien ban pynkit ia ki tyndong LPG bad e-commerce.
Ki jaka ha Tripura kiba pynmih bha ia ki mar rep kum ka Unakoti bad Sepahijala kin ioh jingmyntoi bha na ka jingsuk jong ka kali Ace Pro, ka bym donkam than ban da hap shna bad suk ban pyndonkam ban kit ia ki mar rep, katba ka Agartala bad Dharmanagar ka iohi ia ka jingbit jingbiang jong ka kali elektrik ne EV variant ban pynkit ia ki tiar ki tar. Ha ki jaka lum kum ka Meghalaya bad Mizoram, kynthup ia ka Aizawl bad Champhai, ka kali kaba pyndonkam da ka Petrol ka biang bha na ka bynta ban iaid ha ki surok bad lynti syngkieng namar ka long kaba skhem bad suk ban pynkit ia ka FMCG bad sam ia ki jingbam. Ha Arunachal Pradesh bad Manipur, kum ka Itanagar bad Imphal, ruh ka pyni ia ka jingkiew ka jingdaw ban ioh ia ki truck rit. Da ka jingioh ia ka jingkyrshan lynbgba ka Star Guru bad ka jingdon jogn ki lad ai jingshakri ka Tata Ace Pro ka iarap ban aikam aijam bad pynheh ia ki kam ha kylleng ka thain kaba rukom pyndonkam ia ka ka long kaba iapher.”