U Chief Secretary ka jylla u bah Donald.P Wahlang ula ong ba ka tnad pynroi sor ka jylla ka dang iakren ia ki shipai ban ai jaka ban rah noh ia ki kharmetor na Them Iewmawlong. Katkum ka jingong u Chief Secretary, ka sorkar jylla ka dang iakren ban pynkynriah ia ki kharmetor ha ka jaka ki shipai hajan ka Anjalee.
Haba kren sha ki lad pathai khubor, u Chief Secretary ula ong ba ka sorkar kan pyntip ia kane sha ka High Court Meghalaya ha kaba iadei bad ka jaka shipai kaba don hajan ka Anjalee ban pynkynriah noh ia ki kharmetor ne Harijan.“ Ka tnad pynroi sor ka dang iakren bad ki bor shipai na bynta ban ai jaka hajan Anjalee. Ngi kyrmen ba ngin ioh ia ka jubab ba hun na kane,” ong u bah Wahlang.
Lah ban kdew ba ka jingiakhih ban pynkynriah ia ki kharmetor ka la khih pyrthei ha u snem 2018 hadien ba la shimti ka sorkar NPP hynrei kane ka kam, ka dang sahteng haduh mynta. Ha ka jingshisha, ka sorkar ka la pynioh jaka sha Bishop Road, ban pynkynriah ia ki Harijan ne kharmetor hynrei kane kam shym la urlong haduh mynta.
You may also like
-
Kam don jingmut ban ujor ia ki MLA katba ka UDP ka dang iatreilang ha ka MDA: Pala
-
Siat ki runar da ka jri ia ki Longkmie ba iaid pahara, pynrem ka Dorbar Shnong Mawkyrwat
-
Kyntait ka NPP ba leit Delhi 24 ngut ki MLA ban kynduh ia ki heh BJP.. lead
-
Ka jingleit iasoh BJP 8 ngut ki MLA UDP kam don jingma ia ka sorkar: Conrad
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla