Ka Sanshnong Cluster Level Federation (CLF) kaba treikam hapoh ka Block Mission Management Unit (BMMU) jong ka Wapung Block ha East Jaintia Hills District hapoh ka jingpeit jong ka Meghalaya State Rural Livelihoods Society (MSRLS), ka Tnad C&RD, ka la ioh jingithuh ha ka ri baroh kawei na bynta ka jingtrei shitom ban kyntiew ia ka roi ka par bad ka imlang sahlang.
Ha ka 14 tarik u Nailar, 2025 la pynkup burom ïa ka Sanshnong CLF ha New Delhi da ka khusnam ha ka kyrdan ba-ar “Ka Synjuk Babha tam (Hapoh 5 Snem)” ha ka jingsam khusnam Atmanirbhar Sangathan ban rakhe ïa ka jingtrei shitom ki synjuk ha ki kam roi. Uwei na ki nongïalam ka CLF ula ïoh lad ban ïakynduh markhmat bad u Myntri ka sorkar pdeng ka tnad C&RD, u Shivraj Singh Chouhan ha kaba ka la ïathuh ïa ka jingïaid lynti ban pynkylla ïa lade na ka jinglong dkhot jong ka Self Help Group (SHG) sha ka jinglong “Lakhpati Didi” bad ka nongïalam jong ka CLF.
Ka jingiathuh jong ka ryngkat ka jingpyrshang lang jong ka Synjuk, ka la ai mynsiem ia kiba bun bad pynpaw ia ka rukom treikam NRLM ban kyntiew ha ki Nongkyndong.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap