U Pratik Paul na Guwahati, Assam u ex-cadet jong ka Assam Battalion NCC, Guwahati Group, u la shah jied ban leit sha ka jinghikai shipai ha ka Officer Training Academy (OTA) Chennai ha u Risaw 2025 lyngba ka Short Service Commission (NCC) Special Entry Scheme.
U Pratik Paul ula pyndep ia ka B.Com na KC Das Commerce College, Guwahati bad ula wanrah burom sha ka Battalion bad sha ka NCC Directorate ka thain shatei lammihngi (NER). Ula mihkhmat ïa ka Directorate ha ka jingïalang Republic Day Camp (RDC) 2024 ha New Delhi.
Da kane ka jingjop, mynta ula don ha ka lynti ban shakri ia ka Jaidbynriew kum u Ophisar ha ka tnat shipai India. Ka Assam Battalion NCC ka ai khublei kyrpang bad kitbok ban ioh ia ka lawei ba itynnad ha ka kam shipai. Ka Battalion ka sngew sarong ia ka jinglah jong u bad ka kyrmen ba ka jingleit jong u kan pynshlur ia kiba bun ki cadet ban bud ia ki dienjat jong u.
You may also like
-
Ka Sorkar ba ialam ka NPP kam ju pyndonkam bakla ka bor pyrshah ia ki paidbah
-
T.400 klur na bynta ban pyntrei ia 53 tylli ki project ha Garo Hills
-
Ka MSFC kan pynthikna ban ym don uwei ruh ban iap thngan: DP Walang
-
Sdang ka DREAM na Shillong ban lum jingkhein ia ka jingdon nongdih drok
-
Shimkhia ka Sorkar Meghalaya-Assam halor ka jingïakynad ha Lapangap